Дар шаҳри Гулистон ва ноҳияи Бобоҷон Ғафуров маҳфилҳои доимоамалкунандаи адабӣ роҳандозӣ гардиданд
СУҒД, 17.07.2022 /АМИТ «Ховар»/. Маҳфилҳои доимоамалкунандаи «Мо ворисони Аллома Бобоҷон Ғафуров» дар назди марказҳои таҳсилоти иловагии шаҳри Гулистон ва ноҳияи Бобоҷон Ғафуров ҳар хафта як маротиба баргузор гардида, дар онҳо хонандагонро ба Озмуни ҷумҳуриявии «Тоҷикон»- оинаи таърихи миллат» омода менамоянд. Аъзоёни маҳфил бо Низомномаи озмун шинос гардида, дар асоси саволномаи таҳияшуда, донишу малакаи худро афзун менамоянд. Дар ин бора ба хабарнигори минтақавии АМИТ «Ховар» корманди шуъбаи иттилоот ва таҳлили Маркази таҳсилоти иловагии вилояти Суғд Фирдавс Ашӯрматов иттилоъ дод.
Ин иқдоми тоза дар шинохти ҳуввияти миллӣ ва тарбияи насли наврас дар рӯҳияи ватандӯстиву хештаншиносӣ ва бо мақсади арҷгузорӣ ба таърихи пурифтихори миллати тоҷик, омӯзиши амиқу ҳамаҷонибаи корномаҳои шоистаи ниёгони миллати тоҷик дар тӯли таърих, тақвияти ҳисси худогоҳӣ ва худшиносии миллӣ, ифтихори ватандорӣ ва инчунин ҷиҳати дар амал татбиқ намудани Амри Президенти Ҷумҳурии Тоҷикистон аз 7 июли 2022 бобати баргузории озмуни ҷумҳуриявии ««Тоҷикон»- оинаи таърихи миллат» роҳандозӣ гардида, дар назди Марказҳои таҳсилоти иловагии шаҳри Гулистон ва ноҳияи Бобоҷон Ғафуров №4, Ҷамоати деҳоти Ёва маҳфили доимоамалкунандаи «Мо ворисони аллома Бобоҷон Ғафуров» таъсис дода шуд.
Айни ҳол ба фаъолияти маҳфилҳо беш аз 40 нафар хонандагон ҷалб карда шуда, дар оянда роҳандозии онҳо дар дигар муассисаҳои таҳсилоти иловагӣ ба нақша гирифта шудааст.
Илова гардид, ки хоҳишмандон метавонанд ба муассисаҳои таҳсилоти иловагии шаҳри Гулистон ва ноҳияи Бобоҷон Ғафуров муроҷиат намуда, дар кори маҳфил ширкат варзанд.
Саъдулло МАҲКАМОВ,
АМИТ «Ховар»
АКС: Маркази таҳсилоти иловагии вилояти Суғд
Дар Донишгоҳи давлатии Кӯлоб ба ифтихори 35-солагии Истиқлоли давлатӣ ҳамоиши тантанавӣ доир шуд
Байни Донишгоҳи байналмилалии забонҳои хориҷии Тоҷикистон ва Донишгоҳи Вестминстер Ёддошти тафоҳум ба имзо расид
Кормандони Донишгоҳи миллии Тоҷикистон бо мукофотҳои давлатӣ сарфароз гардиданд
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
