ДАР УФУҚҲОИ ДӮСТӢ. Ҳунармандони вилояти Фарғонаи Узбекистон ба шаҳри Бӯстони Тоҷикистон ташриф оварданд
СУҒД, 23.07.2022 /АМИТ «Ховар»/. 20 июл ҳайати ҳунармандони вилояти Фарғонаи Ҷумҳурии Узбекистон ба шаҳри Бӯстони вилояти Суғди Тоҷикистон ташриф овард. Дар ин бора ба АМИТ «Ховар» дар маркази матбуоти Раиси шаҳри Бӯстон иттилоъ дода шуд.
Меҳмононро муовини Раиси шаҳри Бӯстон Мамнур Нурзода ва роҳбарияти Корхонаи воҳиди давлатии «Фулузоти нодири Тоҷикистон» истиқбол гирифтанд.
Зимни боздид ҳайати намояндагон аз фаъолияти корхонаи заргарии «Зари Суғд»-и назди корхонаи воҳиди давлатии «Фулузоти нодири Тоҷикистон», ки 8 феврали соли равон пас аз таъмиру навсозӣ бо иштироки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мавриди баҳрабардорӣ қарор гирифта буд, аз наздик шинос гардиданд.
Иттилоъ дода шуд, ки дар корхонаи заргарии «Зари Суғд» истеҳсоли маҳсулоти заргарӣ, армуғонҳои гуногун, нишонҳои сарисинагӣ, нимпайкара, қолабҳои гуногуни металлӣ роҳандозӣ шуда, инчунин аз сангҳои ороишӣ омода намудани туҳфаву армуғонҳо ба роҳ монда шудааст.
Меҳмонон бо ҷараёни кор ва намудҳои беҳтарини маҳсулоти истеҳсолшуда шинос шуда, ба сифати он баҳои баланд доданд.
Мавриди зикр аст, ки муносибатҳои қарини Тоҷикистон ва Узбекистон намунаи олии дӯстиву бародарӣ ва ҳамсоядорӣ мебошанд.
Ҷумҳурии Тоҷикистон бо дарназардошти пайвандҳои чандинасраи муштарак ва робитаҳои таърихии мардумони ду мамлакати ҳамсоя ба тавсеа ва таҳкими бештари ҳамкории мутақобилан судманд бо Ҷумҳурии Узбекистон таваҷҷуҳи аввалиндараҷа медиҳад.
АКС: маркази матбуоти Раиси шаҳри Бӯстон
НИШАСТҲОИ МАТБУОТӢ. 21 июл дар вазорату идораҳои Тоҷикистон нишастҳои матбуотӣ оғоз мегарданд
«Қалъаи Хуҷанд» ба рӯйхати 10 мавзеи ҷолиби сайёҳии Тоҷикистон шомил гардидааст
Дар мавзеи Сари Майни ноҳияи Айнӣ корҳои омӯзишии бостоншиносӣ ва антропологӣ оғоз ёфт
Санъаткорони Қирғизистон Осорхонаи миллии Тоҷикистонро тамошо карданд
Дар Душанбе бо мақсади рушди ҳамкорӣ дар самти илмҳои яхшиносӣ вохӯрӣ баргузор гардид
Ба Маркази мероси хаттӣ беш аз 100 нусха китобҳои чопи сангӣ ва дастнависҳо тақдим гардид
«ШОҲНОМА». Фирдавсӣ дар сар то сари ин асари безавол дӯст доштани Ватанро таъкид мекунад
Беш аз 23 ҳазор нусха китобҳои Китобхонаи миллии Тоҷикистон ба шаҳру ноҳияҳои ҷумҳурӣ фиристода шуд
«ДӮСТИИ АБАДӢ». Таҳту чунин унвон барномаи фарҳангии Тоҷикистон ва Қирғизистон доир мегардад
Собиқ Вазири фарҳанги Ҷумҳурии Тоҷикистон Тамара Абдушукурова аз олам даргузашт
Ҷаласаи вазирони фарҳанги давлатҳои аъзои Созмони ҳамкории Шанхай доир гардид
Имсол дар Академияи миллии илмҳои Тоҷикистон 8 озмоишгоҳи замонавӣ ба истифода дода шуд
