ДЗЮДО. Се паҳлавони тоҷик дар Чемпионати Осиё-2022 миёни ҷавонон иштирок мекунанд

ДУШАНБЕ, 19.07.2022 /АМИТ «Ховар»/. Паҳлавонони тоҷик дар Чемпионати Осиё оид ба намуди гӯштини дзюдо миёни ҷавонон, ки 20-21 июл дар пойтахти Тайиланд — шаҳри Бангкок баргузор мешавад, иштирок мекунанд. Дар ин бора шореҳи варзиш Муродалӣ Тешаев ба хабарнигори АМИТ «Ховар» Меҳрони Қурбон иттилоъ дод.

Дар мусобиқаи мазкур варзишгарони  соли таваллудашон 2002-2007 аз рӯи 14 вазн (бонувон: -48кг, -52кг, -57кг, -63кг, -70кг, -78кг, +78кг; мардон: -60кг, -66кг, -73кг, -81кг, -90кг, -100кг, +100кг) ширкат меварзанд.

Ба ин мусобиқаи сатҳи баланд аз Ҷумҳурии Тоҷикистон   3 варзишгари шинохта  – Сируш Эркаев дар вазни то 60кг, Сунатулло Лоиқов ва Муҳаммадҷон Абдуҷалилов-  ҳарду дар вазни  то 81кг  сарфарбар гардиданд.

Ба иттилои Федератсияи байналмилалии дзюдо (IJF), дар Чемпионати мазкур ширкати 163 варзишгар аз 15 кишвари қораи Осиё дар назар аст.

Барномаи баргузорӣ:
Рӯзи 1 | 20 июл | Чоршанбе
Оғоз:  08:00
Марҳилаи ниҳоӣ: 14:00
Занон: -48 кг, -52 кг, -57кг, -63кг
Мардон: -60кг, -66кг, -73кг

Рӯзи 2 | 21 июл | Панҷшанбе
Оғоз:  08:00
Марҳилаи ниҳоӣ: 14:00
Занон: -70кг, -78кг, +78кг
Мардон: -81 кг, -90 кг, -100 кг, +100 кг

АКС: Федератсияи дзюдои Тоҷикистон