Фаъолияти Раёсати Агентии суғуртаи иҷтимоӣ ва нафақа дар ноҳияи Ҳамадонӣ беҳтар гардидааст
ҲАМАДОНӢ, 17.07.2022 /АМИТ «Ховар»/. Кормандони Раёсати Агентии суғуртаи иҷтимоӣ ва нафақаи ноҳияи Мир Саид Алии Ҳамадонӣ баъди ворид гардидан ба бинои наву замонавӣ ва таъмин бо таҷҳизоти муосири соҳавӣ хизматрасониро ба аҳолӣ беҳтар намудаанд. Дар ноҳия беш аз 14 ҳазор нафақагирон мебошанд, ки бо дуруст ба роҳ мондани фаъолияти кормандони Раёсати Агентии суғуртаи иҷтимоӣ ва нафақаи ноҳия ҳар моҳ нафақапулиашонро мегиранд. Ҳоло дар ин идора 7 нафар мутахассисон ба сокинон хизмат мерасонанд ва ҳуҷҷатҳои онҳоро сари вақт қабулу баррасӣ менамоянд.
Тавре корманди Раёсати Агентии суғуртаи иҷтимои ва нафақаи ноҳияи мазкур Ёраҳмад Қурбонов ба хабарнигори минтақавии АМИТ «Ховар» иттилоъ дод, солҳои пеш аз сабаби нарасидани мутахассисони соҳавӣ ва таҷҳизоту лавозимоти корӣ дар фаъолияти онҳо камбудиҳои зиёд ба назар мерасиданд. Аксар маврид шахсони ба нафақа мебаромада дар омода кардани ҳуҷҷатҳояшо ба мушкилӣ мувоҷеҳ мешуданд. Айни замон бо дастгирии Ҳукумати Ҷумҳурии Тоҷикистон кор дар ин самт дуруст ба роҳ монда шудааст ва ин мушкилот аз байн рафтааст.
Кормандони бахши Сабти асноди ҳолати шаҳрвандии ноҳия Ҳамадонӣ бошанд давоми шаш моҳи соли 2022 фаъолияти худро дар асоси нақшаи шуъбаи раёсати САҲШ вилояти Хатлон ба роҳ монда, 4004 сабти ҳолати шаҳрвандиро ба қайди давлатӣ гирифта, ба 2078 кӯдаки навзод шаҳодатномаи таваллуд супориданд.
Гуфта мешавад, ки дар баробари ин кормандони бахши САҲШ дар ҳамкорӣ бо дигар ниҳодҳо дар байни аҳолӣ ва хусусан оилаҳои ҷавон корҳои фаҳмондадиҳӣ, суҳбату вохӯриҳо ва гашти хона ба хонаро ба роҳ мондаанд.
Сулаймон ХОЛЗОДА,
АМИТ «Ховар»
АКС: АМИТ «Ховар»
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
