ФАВРӢ! Ба марзи Узбекистон ҳамлаи мушакӣ сурат гирифт
ДУШАНБЕ, 06.07.2022 /АМИТ «Ховар»/. Ба марзи Узбекистон ҳамлаи мушакӣ сурат гирифт, ки эҳтимолан аз ҷониби Афғонистон партоб шудаанд. Тавре АМИТ «Ховар» хабар медиҳад, дар ин бора дирӯз дар Вазорати корҳои хориҷии Ҷумҳурии Узбекистон иттилоъ доданд.
«5 июли соли 2022, тахминан соати 16:20 дар минтақаи сарҳадии Узбекистон, афтиши хумпораҳои мушакӣ, ки эҳтимолан аз қаламрави Афғонистон партоб шудаанд, ба қайд гирифта шуд. Бояд гуфт, ки ҳангоми афтидани хумпораҳо таркиш ба амал наомада, талафоти ҷонӣ ва хисорот ба мушоҳида нарасидааст. Дар маҳаллаи Маҷнунтоли шаҳри Тирмиз ба чор хонаи шахсӣ хисороти ночиз расонида шудааст», — омадааст дар матни интишоршуда дар канали «Telegram»-и намояндагии дипломатӣ.
Ҳамагӣ панҷ мушак партоб шудааст. Яке аз хумпораҳо дар майдони футбол дар ҳамон маҳалла пайдо карда шуд.
Гуфта мешавад, ки хумпораҳо аз ҷониби воҳиди сапёрҳо безарар гардонида шуда, аз талафоти ғайринизомӣ пешгирӣ гардид.
Ба гуфтаи манбаи агентии «Sputnik», дар пулиси вилояти Балхи Афғонистон, ҳамлаи мушакӣ аз минтақаи Ҷартани деҳаи Токайи ноҳияи Шӯртеппа сурат гирифтааст.
«Шахсони номаълум ба мошини тамғаи «Suzuki» мушак насб карда, ба самти Узбекистон 6 адад партоб карданд. Мошин комилан сӯхт ва одамон фирор карданд», — илова намуд манбаъ.
Полиси Афғонистон эҳтимоли захмӣ шудани чанд нафарро дар натиҷаи сӯхтор истисно намекунад. Масъулияти партоби мушакро то ҳол касе бар уҳда нагирифтааст. Тамоми ҷузъиёти ҳодиса таҳқиқ мешавад.
Вазорати корҳои хориҷии Узбекистон гуфт, ки комиссияи муштараки Узбекистон ва Афғонистон дар ҳоли ҳозир «барои муайян кардани сабабҳои ин ҳодиса чораҳои заруриро амалӣ менамояд».
АКС: Reuters
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
Раҷабалӣ Раҳмоналӣ: «Ҳодисаҳои ғарқшавӣ асосан бо сабаби риоя накардани қоидаҳои оббозӣ ба амал меоянд»
НИШАСТИ МАТБУОТӢ. Шумораи ҳолатҳои фавқулодаи табиӣ дар Тоҷикистон 519 ҳолат афзоиш ёфтааст
