Кормандони милитсияи пойтахт соҳиби китобхона ва синфхонаи забономӯзӣ гардиданд

Июль 4, 2022 10:13

ДУШАНБЕ, 04.07.2022 /АМИТ «Ховар»/. Дар бинои Раёсати Вазорати корҳои дохилӣ дар шаҳри Душанбе китобхона ва синфхонаи забономӯзӣ (лингвистӣ) ба истифода дода шуд. Дар ин бора АМИТ «Ховар» бо истинод ба маркази матбуоти РВКД дар шаҳри Душанбе хабар медиҳад.

Дар асоси дастури Вазири корҳои корҳои дохилии Ҷумҳурии Тоҷикистон Рамазон Раҳимзода бо мақсади баланд бардоштани савияи донишу малакаи касбии кормандони милитсияи пойтахт  китобхона ва синфхонаи мазкур ба истифода дода шуд, ки зимни ифтитоҳи он сардори Раёсати ВКД дар шаҳри Душанбе Бароталӣ Ҳамидзода ширкат намуд.

Зикр карда шуд, ки пайваста савияи малакаи касбӣ ва дониши кормандони мақомоти милитсия бо баргузории озмунҳои китобхонӣ тақвият дода мешавад.

«Ифтитоҳи китобхона метавонад ба омӯзишу аз бар намоии илмҳои муосир ва забонҳои хориҷӣ, ки яке аз тавсияҳои ҳамешагии Пешвои муаззами миллат ба шумор мераванд, мусоидат намояд»,  -иброз дошт Бароталӣ Ҳомидзода.

Иттилоъ дода шуд, ки айни замон дар китобхона зиёда аз 2 ҳазор адабиётҳои гуногуни илмиву соҳавӣ ва бадеӣ ҷамъоварӣ карда шудаанд. Махсусан дар як гӯшаи китобхона китобҳои арзишманди Пешвои муаззами миллат муҳтарам Эмомалӣ Раҳмон ҷойгир карда шудаанд, ки кормандони милитсияи пойтахт бо мутолиаи онҳо мактаби мардонагиву ҷасурӣ, сулҳофариву сиёсатмадорӣ ва идораи давлатдориро меомӯзанд.

Тазаккур дода шуд, ки  минбаъд бо мақсади боз ҳам баланд бардоштани донишу малакаи касбӣ ва забондонии кормандони милитсияи пойтахт, байни кормандони милитсия озмунҳои китобхонӣ ва забономӯзӣ доир карда мешаванд.

АКС: РВКД дар шаҳри Душанбе

Июль 4, 2022 10:13

Хабарҳои дигари ин бахш

Дар Тоҷикистон Рӯзҳои фарҳанги Туркманистон баргузор мегарданд
ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус