MADE IN TAJIKISTAN. Ҷӯробҳои «Bokhtar» дар Русия бозоргир шуданд
ДУШАНБЕ, 07.07.2022 /АМИТ «Ховар»/. Ҷӯробҳои истеҳсоли корхонаи истеҳсолии «Сомони Расул» -и шаҳри Бохтар нахустин маротиба ба Русия содирот гардид. Дар ин бора роҳбари корхона Расул Соҳибназаров ба хабарнигори АМИТ «Ховар» иттилоъ дод. Мавсуф зикр кард, ки дар баробари таъмини талаботи сокинони мамлакат, содироти маҳсулоти ватаниро ба хориҷи кишвар, бахусус ба Русия ба роҳ мондаанд.
Расул Соҳибназаров гуфт, ки корхона дар остонаи ҷашни 30-солагии Истиқлолияти давлатии Ҷумҳурии Тоҷикистон дар минтақаи саноатии шаҳри Бохтар бунёд гардида, дар маросими ифтитоҳи он моҳи марти соли 2021 Сарвари давлат муҳтарам Эмомалӣ Раҳмон иштирок намуданд.
Таҷҳизот ва дастгоҳҳои корхона, ки беш аз 20 ададро ташкил медиҳанд, истеҳсоли кишварҳои мутараққии ҷаҳон, назири Кореяи Ҷанубӣ ва Чехия мебошанд. Иқтидори корхона истеҳсоли 1 миллион ҷуфт ҷӯроб дар як сол буда, алҳол дар корхона 10 нафар сокинони маҳаллӣ, ки аксарияташонро занону духтарон ташкил медиҳанд, фаъолият доранд.
Маҳсулоти хом аз корхонаҳои ресандагии мамлакат, аз ҷумла, аз корхонаи «Ҷунтай Данғара» ва «Ваҳдат текстил» дастрас гардида, риштаи ранга то марҳилаи ниҳоӣ коркард мегардад, ки дар натиҷа ҷӯробҳои пахтагини босифат истеҳсол мешаванд. Дар корхона истеҳсоли 20 намуди ҷӯробҳои занона, мардона ва кӯдакона ба роҳ монда шудаааст. Маҳсулоти корхона асосан ба бозору марказҳои савдои вилояти Хатлон ва дигар шаҳру ноҳияҳои мамлакат ба муштариён пешниҳод карда мешавад.
Роҳбарияти корхона тасмим дорад, ки дар оянда дар доираи эълон гардидани паҷсолаи рушди саноат дар мамлакат бо истифода аз захираҳои мавҷуда, иқтидори истеҳсоли ҷӯробро афзоиш диҳад.
Марзия Саидзода,
АМИТ «Ховар»
Душанбе –Бохтар –Душанбе
АКС: АМИТ «Ховар»
Дар Барселона имконоти сармоягузории Тоҷикистон муаррифӣ гардид
СОҲИБКОРӢ ҲАМ МАСЪУЛИЯТ МЕХОҲАД! Аз ҷониби кормандони Кумитаи бехатарии озуқаворӣ маҳсулоти гӯштии бесифат мусодира карда шуд
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
Дар Тоҷикистон 556,5 гектар боғҳои нав бунёд карда шуданд
ЗЕҲНИ СУНЪӢ ЧИСТ? Ва ё мошинҳои ҳисоббарор метавонанд ба монанди инсон фикр карда, қарор қабул намоянд?
Муҳлати лоиҳаи содагардонии расмиёти савдо дар Осиёи Марказӣ то соли 2029 тамдид карда шуд
Тоҷикистон ва Қирғизистон ҳамкориро дар соҳаи инноватсия ва технологияҳои рақамӣ тақвият медиҳанд
Намояндагони Тоҷикистон дар Форуми байналмилалӣ оид ба таҳкими ҳамкорӣ дар самти мубориза бо маводи мухаддир ва ҷинояткорӣ иштирок намуданд
Дар Душанбе Форуми 10-уми Осиёи Марказӣ оид ба идоракунии интернет – CAIGF 2026 баргузор шуд
Дар Душанбе нахустин конфронси байналмилалӣ оид ба мониторинг ва арзёбӣ баргузор шуд
Табодули мол байни Тоҷикистон ва давлатҳои иштирокчии Барномаи махсуси СММ барои иқтисодиёти Осиёи Марказӣ ба 2,1 миллиард доллар расид
