Муовини Сарвазири мамлакат Сулаймон Зиёзода бо вазъи соҳаи кишоварзии шаҳри Турсунзода шинос шуд
ТУРСУНЗОДА, 06.07.2022 /АМИТ «Ховар»/. Бо мақсади шиносоӣ бо вазъи соҳаи кишоварзӣ, аз ҷумла ҷараёни кишти такрорӣ ва иҷрои корҳои созандагӣ бахшида ба ҷашни 35-солагии Истиқлолияти давлатӣ ҳафтаи гузашта муовини Сарвазири мамлакат Сулаймон Зиёзода ва Президенти Академияи кишоварзии Тоҷикистон Нуралӣ Асозода ба шаҳри Турсунзода сафари корӣ анҷом доданд. Дар ин бора котиби матбуоти Раиси шаҳри Турсунзода Фируз Холиқов ба хабарнигори АМИТ «Ховар» иттилоъ дод.
Зимни сафар иттилоъ дода шуд, ки кишоварзони шаҳри Турсунзода соли равон дар ҳама шаклҳои хоҷагидорӣ, аз ҷумла дар кишти асосӣ ва такрорӣ ба ҳолати 1 июл дар майдони 4503 гектар шолӣ кишт намуданд, ки дурнамои он зиёда аз 100 фоиз иҷро шудааст.
Ҳамчунин меҳмонон аз рафти ҷамъоварии ҳосили зироатҳои ғалладонагӣ, вазъи боғдорӣ ва дигар самтҳои соҳаи кишоварзӣ шинос гардида, ба онҳо маълумоти мукаммал дода шуд.
Дар идома меҳмонон бо ҷараёни корҳои сохтмонии сардхонаҳо шинос шуданд. Гуфта шуд, ки бо мақсади нигоҳдории маҳсулоти кишоварзӣ дар давраи зимистон, таъмини бозори истеъмолӣ бо маҳсулоти тоза ва танзими нархи бозор дар шаҳри Турсунзода 55 сардхона бо ғунҷоиши 11542 тонна маҳсулот мавҷуд аст. Айни замон ҷиҳати татбиқи дастуру супоришҳои Пешвои миллат муҳтарам Эмомалӣ Раҳмон зимни сафари корӣ ба шаҳри Турсунзода аз 26 августи соли 2021 корҳои сохтмонии боз 5 сардхонаи нав бо ғунҷоиши 2 500 тонна маҳсулот идома дорад.
Зимни боздид аз хоҷагии деҳқонии «Боғи Сомон» меҳмонон аз ҷараёни корҳои сохтмонии бинои нави таълимӣ дар заминаи муассисаи таълимии №92-и шаҳр, ки аз ҳисоби даромади хоҷагӣ бунёд гардида истодааст, дидан намуданд. Инчунин бо рафти сохтмони пули мошингард, ки аз ҳисоби Мақомоти иҷроияи ҳокимияти давлатии шаҳри Турсунзода сохта шуда истодааст, шинос шуданд.
Муовини Сарвазири мамлакат Сулаймон Зиёзода ба масъулини шаҳри Турсунзода ҷиҳати боз ҳам рушд додани соҳаи кишоварзӣ, истифодаи босамари замин ва саҳмгузорӣ барои расидан ба амнияти озуқворӣ як қатор супоришҳои мушаххас дод.
АКС: Мақомоти иҷроияи ҳокимияти давлатии шаҳри Турсунзода
35-СОЛАГИИ ИСТИҚЛОЛИ ДАВЛАТӢ. Дар Истаравшан 100 корхонаи саноатӣ фаъолият менамояд
Фаъолияти марказҳои «Тоҷикстандарт» дар вилояти Суғд тақвият меёбад
«Centrum Air» парвозҳои мустақимро дар масири Тошканд-Душанбе-Тошканд оғоз намуд
Дар Душанбе бо ҳайати намояндагони Бонки Осиёии рушд масоили рушди инфрасохтори гумрукӣ баррасӣ шуд
Ҳаҷми истеҳсоли маҳсулоти кишоварзӣ дар Тоҷикистон беш аз 23 миллиард сомониро ташкил дод
Маконҳои таърихӣ, фарҳангӣ ва сайёҳии Тоҷикистонро беш аз 760 ҳазор сайёҳи хориҷӣ тамошо намуданд
Логистика ба бахши ҷудонопазир ва муҳаррики муҳими иқтисод табдил меёбад
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
Ҳаҷми истеҳсоли маҳсулоти саноатӣ дар вилояти Суғд ба 18,1 миллиард сомонӣ расид
