Нуриддин Саид: Барои табодули таҷриба мутахассисони сатҳи байналмилалиро ба Тоҷикистон даъват менамоем

Июль 26, 2022 14:09

ДУШАНБЕ, 26.07.2022. /АМИТ «Ховар»/. Барои такмили ихтисос ва бозомӯзии кормандони радио ва телевизион аз ҷониби Академияи ВАО ба Тоҷикистон мутахассисони сатҳи байналмилалӣ даъват карда мешаванд. Дар ин бора 26 июл зимни нишасти матбуотии Кумитаи телевизион ва радиои назди Ҳукумати Ҷумҳурии Тоҷикистон иттилоъ дода шуд.

Раиси Кумита Нуриддин Саид иброз дошт, ки «дар ин самт бо Академияи ВАО корбарӣ ҷараён дошта, ояндаи наздик барои баланд бардоштани такмили ихтисоси кормандон мутахассисони маъруфи ҷаҳонӣ даъват ва ба гузаронидани дарсҳои амалӣ ҷалб мешаванд».

«Дар доираи «Барномаи давлатии рушди телевизион ва радио дар Ҷумҳурии Тоҷикистон барои солҳои 2021-2025» чанд нафар кормандон барои табодули таҷриба ба хориҷи кишвар фиристода мешаванд. Онҳо маҳз ба омӯзиши ихтисосҳое, ки дар дохили кишвар ба роҳ монда нашудаанд, ҷалб карда мешаванд», — гуфт Нуриддин Саид.


Зикр гардид, ки дар шаш моҳи соли 2022 дар Муассисаи давлатии «Академияи ВАО-и Тоҷикистон» 10 машғулияти омӯзишӣ гузаронида шуда, дар он 115 нафар кормандони эҷодию техникии шабакаҳои телевизионию радиои марказӣ ва минтақавӣ, инчунин матбуоти даврӣ иштирок намуданд ва ба 84 нафар гувоҳнома (сертификат) супорида шуд.

Академия дар оғози соли равон аввалин маротиба барномаҳои такмили ихтисосро дар шакли китоби алоҳида таҳия намуд, ки дар мувофиқа бо Вазорати маориф ва илми Ҷумҳурии Тоҷикистон ба нашр расид.

Зарангези ЛАТИФ,
АМИТ «Ховар»

АКС: АМИТ «Ховар»

Июль 26, 2022 14:09

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад