Олимони тоҷик алайҳи коронавирус даво ихтироъ кардаанд
ДУШАНБЕ, 29.07.2022 /АМИТ «Ховар»/. Дар Тоҷикистон аз гиёҳҳои шифобахш, аз ҷумла «ҷорубак» алайҳи COVID-19 дору ихтироъ карда шудаст, хабар дод имрӯз зимни нишасти матбуотӣ Президенти Академияи миллим илмҳои Тоҷикистон Фарҳод Раҳимӣ.
Бино ба гуфти академик Раҳимӣ, танҳо пас аз гирифтани патент дар бораи доруи ихтироъшуда маълумоти муфассал дода мешавад. Феълан танҳо маълум аст, ки дору дар асоси гиёҳҳои шифобахш аз ҷумла — растании «ҷорубак» омода шудааст.
Мавриди зикр аст, ки Президенти Академияи миллии илмҳои Тоҷикистон қаблан дар посух ба суоли хабарнигорон дар мавриди истеҳсоли ваксина ё доруҳо алайҳи коронавирус гуфта буд, олимони ҷумҳурӣ бо истифода аз гиёҳҳои шифобахш 12 намуди моддаҳои фаъоли биологиро истеҳсол намудаанд.
Вай таъкид намуда буд, ки ин моддаҳо барои баланд бардоштани масунияти бадан ё худ иммунитет (маҷмӯи аксуламал, ки ба муҳофизати организм аз ангезахои сироят нигаронида шудааст) мусоидат мекунанд.
Тавре қаблан АМИТ «Ховар» иттилоъ дода буд, бино ба маълумоти Вазорати тандурустӣ ва ҳифзи иҷтимоии аҳолии Тоҷикистон, аз моҳи феврали соли равон дар кишвар ягон ҳолати таъйидшудаи гирифторӣ ба коронавирус ба қайд гирифта нашудааст. Яке аз омилҳои ҷой надоштани коронавирус ба сатҳи баланди ваксинагирӣ рабт дода мешавад, ки барои шаҳрвандони аз 18-сола боло ҳатмӣ мебошад.
АКС: АМИТ «Ховар»
Дар Коллеҷи омӯзгории шаҳри Душанбе Маркази омӯзиши забони олмонӣ таъсис дода мешавад
Дар Донишгоҳи технологии Тоҷикистон бахшида ба Рӯзи Парчами Тоҷикистон конференсияи илмӣ-амалӣ баргузор шуд
Дар Донишгоҳи давлатии Бохтар ба шарафи Рӯзи Парчами давлатии Тоҷикистон ҳамоиш доир шуд
Намояндагони Донишгоҳи давлатии Кӯлоб дар мусобиқаи ҷумҳуриявӣ 4 медали тилло ба даст оварданд
Дар ҶСК «Шабакаҳои тақсимоти барқ» дар шаҳри Душанбе филиали кафедраи электроэнергетикаи Коллеҷи техникӣ таъсис дода шуд
Байни Донишгоҳи байналмилалии забонҳои хориҷии Тоҷикистон ва Донишгоҳи байналмилалии Остонаи Қазоқистон созишнома ба имзо расид
ИМТИЁЗИ БЕШТАР. Ба 434 довталаби Озмуни ҷумҳуриявии «Фурӯғи субҳи доноӣ китоб аст» Сертификат тақдим мегардад
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Айнӣ шумораи муассисаҳои соҳаи маориф меафзояд
Дар деҳаи Меҳнатободи ноҳияи Кӯшониён муассисаи нави томактабӣ сохта мешавад
Рушди соҳаи таҳсилоти ибтидоӣ ва миёнаи касбӣ бо намояндагони Агентии Корея оид ба ҳамкории байналмилалӣ баррасӣ шуд
Дар Донишгоҳи байналмилалии забонҳои хориҷии Тоҷикистон бахшида ба 1045-солагии Абуалӣ ибни Сино ҳамоиши байналмилалӣ доир шуд
«САДОҚАТ БА ПЕШВОИ МИЛЛАТ». Ба ифтихори Рӯзи Президенти Тоҷикистон дар Данғара иқдом баргузор шуд
