Пешвои миллат Эмомалӣ Раҳмон бори дигар аз вазнинтарин ва душвортарин давра барои мардуми сайёра ёдовар шуданд
ДУШАНБЕ, 08.07.2022 /АМИТ «Ховар»/. Имрӯз зимни ироаи Паёми шодбошӣ ба муносибати фарорасии иди Қурбон Пешвои миллат муҳтарам Эмомалӣ Раҳмон бори дигар аз вазнинтарин ва душвортарин давра барои мардуми сайёра ёдовар шуданд, хабар медиҳад АМИТ «Ховар».
«Бори дигар хотирнишон менамоям, ки мардуми сайёра ҳоло дар вазнинтарин ва душвортарин давраи таърихи худ қарор доранд», — тазаккур доданд Сарвари давлат.
Имрӯзҳо сокинони 27 кишвари дунё ба хатари гуруснагӣ рӯ ба рӯ омадаанд.
Аз ин лиҳоз, Президенти мамлакат даъват намуданд, ки бо дарназардошти чунин вазъияти ҳассосу вазнини ҷаҳон амал кунем, сарҷамъу муттаҳид бошем, аҳлонаву содиқона заҳмат кашем ва сарфаю сариштакориро, ки хислати беҳтарини миллати куҳанбунёдамон мебошад, дар ҳамаи ҷанбаҳои зиндагӣ риоя намоем.
Тавре қаблан АМИТ «Ховар» бо истинод ба Шӯрои уламо иттилоъ дод, имсол Иди Қурбон дар Тоҷикистон 9 июл таҷлил мегардад. Намози ид дар тамоми масҷидҳо соати 6:00 оғоз мешавад.
Раиси Шӯрои уламо Саидмукаррам Абдуқодирзода 4 июл зимни баргузории ҷаласаи Шӯро иброз дошт, ки мувофиқи далелҳои илмӣ ва дар асоси хулосаи Институти астрофизикаи Академияи миллии илмҳои Ҷумҳурии Тоҷикистон Иди Қурбон дар кишвар ба рӯзи шанбе, 9 июл рост меояд.
«Шӯрои уламо ба имом-хатибҳо тавсия медиҳад, ки дар мавъизаҳои худ роҷеъ ба сулҳу субот суханронӣ намоянд ва диндоронро барои кумак ба ятимону пиронсолон ташвиқ намоянд», — омадааст дар баёнияи расмӣ.
Ёдовар мешавем, ки иди Қурбон яке аз ду ҷашни мусулмонон дар Тоҷикистон мебошад. Дар ин рӯз пас адои намоз нафароне, ки имкон доранд, қурбонӣ мекунанд.
АКС аз бойгонии Хадамоти матбуоти Президенти ҶТ/АМИТ «Ховар»
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
