Пули азим дар километри 267-уми роҳи Душанбе-Чаноқ баъди навсозӣ мавриди истифода қарор гирифт

Июль 8, 2022 10:20

ДУШАНБЕ, 08.07.2022 /АМИТ «Ховар»/. 7 июл бо иштироки директори филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон Нодирҷон Сафаров, раиси Шӯрои нозирон Рамазон Мирзоев, раиси ноҳияи Спитамен Темурҷон Нуъмонзода, директории генералии ширкати «Чайна Роуд» Ли Чан Вей ва собиқадори меҳнат, иштирокчии Иҷлосияи ХVI Шӯрои Олии Ҷумҳурии Тоҷикистон Ғолибҷон Фозилов пули азим, воқеъ дар километри 267 — уми роҳи мошингарди Душанбе – Чаноқ баъди навсозӣ пурра мавриди истифода қарор дода шуд. Дар ин бора ба хабарнигори АМИТ «Ховар» аз маркази матбуоти филиали Ширкати саҳомии “Инновейтив Роуд Солюшнз ЛТД” дар Ҷумҳурии Тоҷикистон хабар доданд.

Аз ҷониби иштирокдорон гуфта шуд, ки дар воқеъ нақши пули мазкур баҳри таъмини ҳаракати муназзаму бехатари воситаҳои нақлиёт аз тариқи роҳи Душанбе – Чаноқ муҳим ҳисобида шуда, бо иқдоми мазкур роҳбарият ва кормандони «IRS» собит намуданд, ки барои дар ҳолати хуб нигоҳ доштани роҳи мазкур азми қавӣ доранд.

Дар доираи чорабинии мазкур сохтмончиён бо “Сипоснома” ва туҳфаҳои арзандаи филиали Ширкати саҳомии «Инновейтив Роуд Солюшнз ЛТД» ва мақомоти иҷроияи ҳокимияти давлатии ноҳияи Спитамен қадрдонӣ шуданд. Хотиррасон мешавем, ки навсозии пули мазкур дар километри 267 — уми роҳи мошингарди Душанбе – Чаноқ босуръат ҷараён гирифта, васлу насби поя ва пайвандҳои он дар майдончаи сохтмонии назди иншоот қолабрезӣ шуданд.


Пули мавриди назар, ки 73 метр дарозӣ дорад, соли 1962 сохта шудааст, поя ва сутунҳои марказии он аз сабаби рафтуомади воситаҳои нақлиёт тайи солҳои мавриди истифода будани он корношоям гаштааст.

Тавре қаблан иттилоъ дода будем, 9 марти соли 2021, баъд аз таҳқиқи комиссияи дахлдори таъсисёфта бо намояндагӣ аз Вазорати нақлиёт, Бозрасиии давлатии автомобилии Вазорати корҳои дохилии Тоҷикистон ва мутахассисони филиали ширкат дар Тоҷикистон тасмими ниҳоӣ гирифта шуда буд, ки онро таъмир кунанд.

12 сентябри соли гузашта корҳо дар ин иншоот шуруъ шуда, дар марҳилаи аввал тибқи тавофуқот демонтаж ё ҷудосозии қитъаоти купрӯки мазкур аз сӯи ширкати ватании «Роҳи ваҳдат» амалӣ гардид. Бо дарназардошти нуфузи байналмилалӣ ва таҷрибаи ғании фаъолият лоиҳакашиву навсозии пул ба зиммаи ширкати муътабари «Чайна Роуд» вогузор шуда, он дар сатҳи хубу сифати баланд амалӣ гардид. Ба сохтмони мазкур 45 мутахассиси ширкати «Чайна Роуд» ҷалб ва 15 техникаву механизми пуриқтидор сафарбар шудаанд. Тибқи лоиҳа, баъди навсозӣ паҳноии пули мазкур ба 10 метру 20 сантиметр (бо дарназардошти пайроҳаи пиёдагард) расид.

АКС аз ширкати IRS

Июль 8, 2022 10:20

Хабарҳои дигари ин бахш

Сарвазири Ҷумҳурии Тоҷикистон Қоҳир Расулзода дар ноҳияи Ҷалолиддини Балхӣ муассисаи таълимӣ ва маркази саломатиро ба истифода дод
Сарвазири Тоҷикистон Қоҳир Расулзода дар ноҳияи Хуросон иншооти таъйиноти гуногунро ифтитоҳ намуд
«СТРАТЕГИЯИ РУШДИ ҲИФЗИ ИҶТИМОИИ АҲОЛИИ ҶУМҲУРИИ ТОҶИКИСТОН БАРОИ ДАВРАИ ТО СОЛИ 2040». Доир ба амалишавии он ҳамоиш доир шуд
Соли 2024 Тоҷикистон мизбони Шурои байнидавлатии обуҳавошиносии Иттиҳоди Давлатҳои Мустақил мегардад
«ЗАБОН ВА ИСТИҚЛОЛ». Пагоҳ дар шаҳри Душанбе бахшида ба Рӯзи забони давлатӣ ҳамоиш доир мегардад
ОМОДАГӢ БА САРМО. Муассисаҳои давлатии нигоҳдории роҳҳои автомобилгарди минтақаи Рашт ба зимистонгузаронӣ тайёр мебошанд
Бахшида ба Рӯзи байналмилалии коҳиши хавфи офатҳои табиӣ дар Хоруғ мусобиқаи қаиқронӣ доир шуд
Дар мавзуи тарбияи ватандӯстӣ ва ҳувияти миллии ҷавонони Тоҷикистон дар шароити ҷаҳонишавӣ ҳамоиш баргузор гардид
ЗАБОНИ ДАВЛАТӢ-САРВАТИ БЕБАҲОИ МИЛЛАТИ ТОҶИК. Дар Суди Олии иқтисодии Тоҷикистон ҳамоиш доир шуд
«ЗАБОНИ МИЛЛАТ-ҲАСТИИ МИЛЛАТ». Ба истиқболи Рӯзи забони давлатӣ дар шаҳри Ҳисор маҳфил-озмун баргузор мегардад
1 ОКТЯБР-РӮЗИ БАЙНАЛМИЛАЛИИ ПИРОНСОЛОН. Ҳар нигоҳ ва ҳар сухану насиҳатҳои онҳо нуре дар торикии шаб ва гармие дар сардиҳои зиндагии насли имрӯза аст
Рамзи Шӯрои ҷамъиятии назди Сафорати Ҷумҳурии Тоҷикистон дар Федератсияи Русия тасдиқ гардид