ШУМОРАИ АҲОЛИИ УЗБЕКИСТОН БА 35,6 МИЛЛИОН РАСИД. Дар Тоҷикистон сокини 10-миллиона ба дунё меояд
ДУШАНБЕ, 14.07.2022 /АМИТ «Ховар/. Ба ҳолати 1 июли соли 2022, шумораи аҳолии доимии Узбекистон беш аз 35,6 миллион нафарро ташкил дод, хабар медиҳад АМИТ «Ховар» бо истинод ба Кумитаи давлатии омори Узбекистон.
Тибқи маълумоти расмӣ, то 1 июли соли 2022 шумораи аҳолии доимии ҷумҳурӣ 35 миллиону 603 ҳазору 443 нафарро ташкил дод. Аз ин шумора занон 17 миллиону 690 ҳазору 386 нафар ва мардон 17 миллиону 913 ҳазору 57 нафарро ташкил медиҳанд.
Иттилоъ дода шуд, ки то 1 июли соли 2022 шумораи мардон дар байни аҳолии доимӣ нисбат ба занон 222 671 нафар зиёд аст.
Мавриди зикр аст, ки Узбекистон аз рӯи шумораи аҳолӣ дар ҷаҳон ҷои 43-юм ва дар байни ҷумҳуриҳои собиқи шӯравӣ баъд аз Русия (145 805 947 нафар) ва Украина (43 192 122 нафар) дар ҷои сеюм қарор дорад. Масоҳати кишвар 173,351 километри мил (448,962 километри мураббаъ) буда, ба он зичии аҳолӣ 186,87 нафар дар як мил мураббаъ (72,02 аҳолӣ дар як километри мураббаъ) рост меояд. Ин бузургтарин кишвари Осиёи Марказӣ буда, зиёда аз 40% аҳолии минтақаро ташкил медиҳад.
Тибқи маълумоти СММ, то 1 июли соли 2022 аҳолии Қазоқистон 19 миллиону 145 ҳазору 243 нафар, Қирғизистон 6 миллиону 700 ҳазору 871 нафар, Туркманистон 6 миллиону 201 ҳазору 943 нафарро ташкил медиҳад.
Аз ҷиҳати шумораи аҳолӣ Тоҷикистон дар Осиёи Марказӣ (пас аз Узбекистон ва Қазоқистон) ҷои сеюмро ишғол мекунад. Тавре АМИТ «Ховар» қаблан навишта буд, шумораи аҳолии Тоҷикистон дар аввали соли 2017, 8 миллиону 769 ҳазору 221 нафар буда, афзоиши солона 2,24 фоизро ташкил дод. Бо дарназардошти он, ки афзоиши миёнаи солонаи аҳолии Тоҷикистон аз соли 1998 беш аз 2 дарсадро ташкил медиҳад, бо итминон метавон тахмин кард, ки сокини 10-миллионаи кишвар дар даҳаи дуюми моҳи июли соли 2022 таваллуд мешавад. Инро Вазорати тандурустӣ ва ҳифзи иҷтимоии аҳолӣ ва Агентии омори назди Президенти Ҷумҳурии Тоҷикистон назорат мекунанд.
Аҳолии доимии Тоҷикистон то охири соли ҷорӣ — аввали соли 2023 ба 10 миллиону 129 ҳазор нафар мерасад. Дар ин бора дар Пешгӯии нишондиҳандаҳои асосии макроиқтисодӣ барои солҳои 2021-2023, ки моҳи июли соли равон аз ҷониби Ҳукумати Ҷумҳурии Тоҷикистон тасдиқ шудааст, гуфта мешавад.
АКС: UzReport
Мақомоти корҳои дохилии Федератсияи Русия ба шаҳрвандони хориҷӣ барои дастрас намудани ҳуҷҷатҳои қонунии иқомат муҳлат додааст
Ҷаласаи 7-уми Кумитаи роҳбарикунандаи байниидоравӣ оид ба амалисозии лоиҳаи «Беҳтарсозии малакаҳои касбӣ ва имконияти боркортаъминшавӣ» доир гардид
Дар доираи «Лоиҳаи навсозии ҳифзи иҷтимоӣ ва ҳамгироии иқтисодӣ» соҳаи тандурустии Тоҷикистон пурра рақамӣ мегардад
ШУҒЛИ ПУРМАҲСУЛ. Чӣ гуна ҷавонон соҳибкасб мешаванд ва оё касбашон бозоргир аст?
ОЁ МЕДОНЕД? Бағоҷи дар фурудгоҳ фаромӯшшуда чӣ гуна ба соҳибаш баргардонида мешавад?
САБАБИ ЗИЁД ГАРДИДАНИ ТУМАН ДАР ЧИСТ? Шарҳи Агентии обуҳавошиносӣ дар ин мавзуъ
Маркази ҷумҳуриявии илмии хуни Тоҷикистон ва Созмони интиқоли хуни Эрон ёддошти тафоҳум ба имзо расониданд
Хуруҷи коронавируси нави COVID-Omicron XBB дар Тоҷикистон асоси воқеӣ надорад
Ба шаҳрҳои Бохтар ва Левакант техникаи нави партовпартоӣ тақдим гардид
Дар Тоҷикистон скутерҳо ба қайд гирифта шуда, бо рақами давлатӣ таъмин карда мешаванд
Дар Душанбе татбиқи лоиҳаҳои муштарак дар соҳаи таҳсилоти ибтидоӣ ва миёнаи касбӣ бо ТИКА баррасӣ гардид
АГЕНТИИ ОБУҲАВОШИНОСӢ. Аз 17 то 20 январ дар Тоҷикистон ҳаво номусоид мешавад
