Ҳунармандони Суғд бо мақсади омӯзиши таҷрибаи пешқадам ба вилояти Фарғонаи Узбекистон сафар намуданд
ДУШАНБЕ, 04.07.2022. /АМИТ «Ховар»/. Як гурўҳ ҳунармандони вилояти Суғд аз марказҳои атласу адрасбофӣ, ҳамчунин кормандони сохторҳои мақомоти иҷроияи ҳокимияти давлатии вилояти Суғд ва шаҳри Хуҷанд бо мақсади омӯзиши таҷрибаи пешқадам ба вилояти Фарғонаи Ҷумҳурии Узбекистон сафар намуданд, хабар доданд ба АМИТ «Ховар» дар маркази матбуоти Раиси шаҳри Хуҷанд.
Ҳайати ҳунармандони вилояти Суғдро Ҳокими шаҳри Марғелон Адҳамҷон Зиёваддинов пазироӣ намуд. Дар доираи сафари корӣ ҳайати ҳунармандони тоҷик аз шаҳрҳои Марғелон, Фарғона, Риштон, Қуқанд ва Намангон дидан намуда, бо ҷараёни кори атласу адрасбофони узбек аз наздик шинос мешаванд.
Сафари занони ҳунарманд ба Ҷумҳурии Узбекистон ҷиҳати иҷрои дастуру супоришҳои Пешвои миллат муҳтарам Эмомалӣ Раҳмон ва нишондодҳои Раиси вилояти Суғд Раҷаббой Аҳмадзода оид ба рушди атласу адрасбофӣ дар мамлакат роҳандозӣ гардидааст.
Мақсади ин сафар рушди ҳунарҳои мардумӣ, аз ҷумла атласу адрасбофӣ ва қолинҳои дастӣ дар шаҳри Хуҷанд тавассути омӯзиши таҷрибаи пешқадами ҳунармандони Ҷумҳурии Узбекистон, васеъ ба роҳ мондани истеҳсоли маҳсулоти ҳунармандӣ, таъмини фаъолияти мунтазам ва самарабахши марказҳои ҳунармандӣ мебошад.
АКС: маркази матбуоти Раиси шаҳри Хуҷанд
Ҳайати Тоҷикистон дар Форуми 7-уми байналмилалии «Муколамаи байнифарҳангӣ» дар Боку иштирок намуд
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон дар Тоҷикистон озмуни ҷумҳуриявӣ оғоз мегардад
Дар Тоҷикистон Фестивали VIII байналмилалии театрҳои лӯхтак «Чодари хаёл» ҷамъбаст гардид
Оид ба омӯзиши Панҷакенти қадим конференсияи илмӣ баргузор мешавад
Дар Хоруғ муассисаҳои соҳаи фарҳанг навсозӣ мешаванд
Муовини Вазири фарҳанг ва иршоди исломии Эрон дар Осорхонаи миллӣ бо тамаддуни бостонии тоҷикон шинос шуд
Гирандагони Шоҳҷоизаи Озмуни ҷумҳуриявии «Тоҷикистон – Ватани азизи ман» дар соли 2026 муайян гардиданд
Маросими ҷоизасупорӣ ба ғолибони Озмуни ҷумҳуриявии «Тоҷикистон–Ватани азизи ман» оғоз гардид
Феҳристи ёдгориҳои Намоиши байналмилалии «Тоҷикистон- кишвари ёдгориҳои нодир» таҳия гардид
Имрӯз маросими ҷоизасупории Озмуни ҷумҳуриявии «Тоҷикистон–Ватани азизи ман» баргузор мегардад
«КИТОБИ ДУШАНБЕ». Дар намоишгоҳи байналмилалӣ беш аз ду ҳазор номгӯй китоб пешниҳод гардид
Намояндагони Тоҷикистон дар Италия Нигористони Боргезеро тамошо намуданд
