АҲСАН! Нуралӣ Эмомалӣ Чемпиони ҷаҳон оид ба ҷудо миёни ҷавонон гардид
ДУШАНБЕ, 11.08.2022 /АМИТ «Ховар»/. Дар шаҳри Гуаякили Эквадор Чемпионати ҷаҳон оид ба ҷудо миёни ҷавонон ҷараён дорад. Дар рӯзи якуми рақобатҳо дар вазни -66кг Тоҷикистонро Нуралӣ Эмомалӣ муаррифӣ карда, сазовори медали тиллои мусобиқа гашт. Дар ин бора АМИТ «Ховар» бо истинод ба Федератсияи ҷудои Тоҷикистон хабар медиҳад.
Нуралӣ Эмомалӣ дар даври якум бо варзишгари Италия – Валерио Акколи қувва санҷид. Дар дақиқаи дуюми рақобат Нуралӣ бо иҷрои зиддиҳамла тавонист аз ҳариф имтиёзи “ваза-ари” ситонад ва онро то охир ҳифз намуда, пирӯз гардад.
Дар даври дуюм Нуралӣ муқобили ҷудокори фаронсавӣ – Максим Моунданга қарор гирифт. Ин навбат ҳам Нуралӣ Эмомалӣ бо истифода аз зиддиусули касбӣ “ваза-ари” кард ва ғолиби рақобат гашт.
Дар чорякниҳоӣ чемпиони феълии Тоҷикистон рақибаш аз Туркия – Муҳаммад Демирелро бо иҷрои моҳиронаи “де аши барай” шикаст дод ва ба нимниҳоӣ роҳ ёфт.
Дар даври нимниҳоӣ Нуралӣ Эмомалӣ бо Извореану Раду аз Молдова қувваозмоӣ кард. Нуралӣ Эмомалӣ дар оғози рақобат бо истифода аз усули “де аши барай” аз ҳариф имтиёзи “ваза-ари” ситонид ва дар идома аз назари тактикӣ беҳтар амал кард, ки ин сабаб гардид, то Раду бо дарёфти се танбеҳ шикаст бихӯрад.
Дар вохӯрии ниҳоӣ Нуралӣ бо ҷудокори ҳамсоякишвари Узбекистон Чемпиони феълии Осиё миёни ҷавонон Азизбек Ортиқов зӯрозмоӣ кард. Варзишгарон набарди шадид анҷом дода, ниҳоят дар 10 сонияи охири рақобат Нуралӣ бо иҷрои зебои «коши гурума» аз ҳариф имтиёзи «ваза-ари» касб кард ва дар идомаи ҳамла рақибро дар ҳолати «осаекоми» нигаҳ дошт ва бо баҳогузории «иппон» пирӯз гашт.
Баробари дарёфти медали тилло Нуралӣ Эмомалӣ соҳиби 700 имтиёз ва ҷоизапулӣ дар ҳаҷми 2000 доллари ИМА шуд.
Ҳамакнун дар таърихи ҷудои тоҷик ин дуюмин медали тилло аз Чемпионати ҷаҳон миёни ҷавонон маҳсуб мешавад.
Нахустин медали тиллоро Сомон Маҳмадбеков дар вазни -73кг моҳи октябри соли 2019 дар Чемпионати ҷаҳон дар Марокаш ба даст оварда буд.
АКС: Федератсияи ҷудои Тоҷикистон
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
