«АКСИ САДОИ ОСИЁ». Мастона Собирзода дар Фестивали XIII байналмилалии ҳунарҳои сирк иштирок мекунад

Август 5, 2022 14:15

ДУШАНБЕ, 05.08.2022 /АМИТ «Ховар»/. Аз 10 то 14 август дар Ҷумҳурии Қазоқистон Фестивали XIII байналмилалии ҳунарҳои сирки «Акси садои Осиё» («ЭХО Азии») баргузор мегардад, ки дар он аз Тоҷикистон ҳунарманд Мастона Собирзода  ва Директори Сирки тоҷик Бахтиёр Раҳматуллозода иштирок мекунанд, иттилоъ дод ба АМИТ «Ховар» муовини аввали Директори Сирки давлатии Тоҷикистон Қурбоналӣ Зоиров.

Мавсуф иттилоъ дод, ки дар фестивали мазкур Директори Сирки давлатии Тоҷикистон Бахтиёр Раҳматулозода ба ҳайси узви ҳакамон иштирок мекунад.

«Мастона Собирова дар номинаи «Алвон», яъне гимнастикаи ҳавоӣ ҳунари худро пешниҳоди иштирокдорон мегардонад»,-гуфт Қурбоналӣ Зоиров.

Бояд гуфт, ки Фестивали байналмилалии ҳунарҳои сирки «Акси садои Осиё»  соли 2007 таъсис ёфта, дар он аз тамоми ҷаҳон ҳунармандони сирк иштирок мекунанд.

Тавре сомонаи ticketon.kz  иттилоъ додааст, имсол дар фестивал ҳудуди 50 нафар ҳунармандони сирк аз Фаронса, Ветнам, Молдова, Исроил, Чин, Қирғизистон, Муғулистон, Русия, Тоҷикистон, Узбекистон ва Қазоқистон ширкат мекунанд. Дар он ҳунармандон дар намуди  акробатика, гимнастика, эквилибристика баромад намуда, ҳунару истеъдоди худро ба мухлисону ҳаводорони санъати сирк намоиш медиҳанд. Инчунин ҳунарнамоии бомаҳорат, манзараҳои рангоранг, воситаҳои махсус ва либосҳои дурахшон ба тамошобинони  фестивал эҳсосоти фаромӯшнашаванда мебахшанд. Ҳадаф аз баргузории фестивал- таҳкими робитаҳои дастаҳои сирки кишварҳои гуногун мебошад.

Бинобар сабаби пандемияи коронавирус ин фестивал тайи ду сол доир нагардид.

Ёдовар мешавем, ки дар Фестивали XII байналмилалии ҳунарҳои сирки «Акси садои Осиё», ки аз 29 июн то 11 июли соли 2019 дар шаҳри Нур-Султони Қазоқистон доир гардида буд, аз Ҷумҳурии Тоҷикистон  ҳунарманди ҷавони сирки тоҷик Муҳаммад Шарифзода иштирок намуда, баҳои баланди ҳакамон ва тамошобинонро ба даст овард.

Фирӯза ДАВЛАТЗОДА,
АМИТ «Ховар»

АКС аз манбаъҳои боз

Август 5, 2022 14:15

Хабарҳои дигари ин бахш

«Пайравони Камолиддини Беҳзод. Миниатюраи тоҷик». Таҳти чунин унвон дар Осорхонаи миллии Тоҷикистон намоиш ифтитоҳ гардид
«Эҳёи ҳофизаи таърих. Аз ҷонбозиҳои устод Айниву аллома Ғафуров то шоҳкориҳои Пешвои миллат», — шарҳи матбуоти даврии Тоҷикистон
«БОМИ ҶАҲОН». Дар Хоруғ Фестивали 15-уми байналмилалии фарҳангӣ ва сайёҳӣ доир мегардад
«МАН БА САФАР МЕБАРОЯМ!». Манижа Сангин дар Душанбе консерти калон барпо мекунад
ДАРГУЗАШТИ ШОИРИ ШАҲИР ҲУШАНГ СОЯ. Абдулҳамид Самад ӯро аз намояндагони насли шоирони номвари дунёи форсизабон хонд
Дар Узбекистон барои ташкили шабакаи иҷтимоии миллӣ озмун эълон гардид
«ТОҶИКИСТОН-ВАТАНИ АЗИЗИ МАН». 57 нафар довталабон аз Суғд дар даври ниҳоии озмуни ҷумҳуриявӣ иштирок мекунанд
«ТОҶИКИСТОН — ВАТАНИ АЗИЗИ МАН». Дар шаҳри Хоруғ даври вилоятии озмун оғоз ёфт
Дар Самарқанд Симпозиуми байналмилалии ҳайкалтарошӣ бо иштироки ҳунармандони кишварҳои узви Созмони ҳамкории Шанхай оғоз ёфт
Дар ноҳияи Данғара намоиши сайёри «Тоҷикистон–кишвари дарёҳои тиллоӣ» ифтитоҳ гардид
Дар Малайзия ҷомаи нодири таърихии Суғд, ки таърихи 1311-сола дорад, нигоҳдорӣ мешавад
Дар рӯзҳои таҷлили 31-солагии Истиқлолияти давлатӣ барномаҳои фарҳангӣ-фароғатии сиркӣ пешниҳод мегарданд

Маводҳои таҳлилӣ