ЧЕМПИОНАТИ CAFA-2022. Дастаи ҷавонони Тоҷикистон (U-19) мусобиқаро бо пирӯзии калон бар дастаи Афғонистон оғоз кард

Август 8, 2022 08:12

ДУШАНБЕ, 08.08.2022 /АМИТ «Ховар»/. Дастаи ҷавонони Тоҷикистон (U-19) дар бозии якуми худ дар чемпионати Ассотсиатсияи футболи Осиёи Марказӣ (U-19) бо роҳбарии Аҳлиддин Турдиев бар дастаи Афғонистон бо ҳисоби 4:1 пирӯзии калон ба даст овард, хабар медиҳад АМИТ «Ховар» бо истинод ба Федератсияи футболи Тоҷикистон.

Нимаи аввали бозӣ мусовӣ – 1:1 анҷом ёфт. Дар дақиқаи 14-ум нимҳимоятгари дастаи мунтахаби ҷавонони Тоҷикистон Азизбек Ҳаитов ҳисобро кушод. Баъди ҳафт дақиқа Аҳмад Закариё Ҳусайнӣ ҳисобро баробар кард. Дар нимаи дуюми бозӣ ситоди мураббиёни дастаи миллии ҷавонони Тоҷикистон якчанд тағйирот ворид ва услуби бозиро ба куллӣ дигар кард. Дар вақти боқимонда ба футболбозони мо муяссар шуд, ки ба дарвозаи дастаи Афғонистон боз се голи дигар зананд. Голҳоро Содиқҷон Қурбонов, Фатҳулло Олимзода ва Салам Ашӯрмамадов заданд. Дар натиҷа ҳисоб 4:1 ба фоидаи дастаи мо шуд.

Дар вохӯрии дигари даври дуюми Чемпионати CAFA-2022 дастаҳои ҷавонони Қирғизистон ва Узбекистон натавонистанд ба дарвозаи ҳамдигар гол бизананд – 0:0.

Бозиҳои даври сеюм 8 август доир мешаванд. Соати 18:00 дастаҳои Эрон ва Афғонистон, соати 21:00 дастаҳои Тоҷикистон ва Қирғизистон бо ҳам вомехӯранд.

Даромад ба Варзишгоҳи марказии Душанбе ройгон аст. Федератсияи футболи Тоҷикистон ҳаводорони футболро ба тамошо даъват мекунад.

 

Чемпионати CAFA-2022 миёни дастаҳои ҷавонони то 19-сола

Даври 2

АФҒОНИСТОН – ТОҶИКИСТОН –  1:4

Голҳо: Азизбек Ҳаитов, 14 (0:1). Аҳмад Закариё Ҳусайнӣ, 21 (1:1). Содиқҷон Қурбонов, 71 (1:2). Фатҳулло Олимзода, 75 (1:3). Салам Ашӯрмамадов, 90 – аз пеналти (1:4)/

Тоҷикистон: Сафармад Ғаффоров, Содиқҷон Қурбонов, Шаҳриёри Иноятулло, Меҳрубони Абдурауф, Фахриддин Ахтамов, Азизбек Ҳаитов (Салоҳиддин Иргашев, 86), Кабир Салимшоев (Иброҳим Зокиров, 61), Абдулло Шарипов (Меҳроб Асоев, 61), Салам Ашурмамадов, Бежан Нишонбойзода (Фатҳулло Олимзода, 61), Сунатулло Азизов (Далер Шарипов, 61).

Беҳтарин бозигари бозӣ: Содиқҷон Қурбонов (Тоҷикистон).

6 август Душанбе. Варзишгоҳи марказии ҷумҳуриявӣ. 2700 тамошобин.

 

Қирғизистон – Узбекистон – 0:0

Беҳтарин бозигари бозӣ: Султон Чомоев (Қирғизистон).

6 август Душанбе. Варзишгоҳи марказии ҷумҳуриявӣ. 150 тамошобин.

Акс: ФФТ

Август 8, 2022 08:12

Хабарҳои дигари ин бахш

ФУТБОЛ. Имрӯз дастаи «Равшан» дар Лигаи дуюми чемпионҳои Осиё бозии якумашро анҷом медиҳад
Дар Минск мусобиқаи футбол ба муносибати ҷашни Рӯзи истиқлолияти Ҷумҳурии Тоҷикистон баргузор гардид
«Истиқлол» дар доираи даври аввали Лигаи чемпионҳои Конфедератсияи футболи Осиё-2 бо «Шарҷа» бозӣ мекунад
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал нахустин бозиро анҷом дод
Дар шаҳри Хоруғ мусобиқаи ҷумҳуриявӣ аз намуди таэквондо баргузор гардид
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал бо тими миллии Марокаш бозӣ мекунад
Дар Душанбе мусобиқаи футбол байни кормандони намояндагиҳои дипломатии муқими Тоҷикистон оғоз ёфт
Дар Чемпионати ҷаҳон оид ба ҷудо байни ҷавонон аз Тоҷикистон 17 варзишгар иштирок менамояд
Шоҳмотбозони тоҷик дар Олимпиадаи 45-уми ҷаҳонӣ дар Будапешт сабқат доранд
Дар Ниммарафони байналмилалии кӯҳии Эко дар Ҳафткӯли Тоҷикистон варзишгарони 12 давлати ҷаҳон ҷамъ омаданд
ЧЕМПИОНАТИ ҶАҲОН-2024. Ҳайати дастаи мунтахаби Тоҷикистон оид ба футзал муайян гардид
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал вориди Тошканд гардид