Дар 9 ҷамоати шаҳраку деҳоти ноҳияи Ашт ярмаркаи фурӯши либосҳои мактабӣ гузаронида мешавад
СУҒД, 02.08.2022 /АМИТ «Ховар»/. Раиси ноҳияи Ашт Шӯҳрат Муҳаммадзода дар ҷаласаи корӣ доир ба масъалаи таъмини хонандагон бо либоси хушсифати мактабӣ гуфт, ки бояд дар 9 ҷамоати шаҳраку деҳоти ноҳия бо ҷалби коргоҳҳои дӯзандагӣ ярмаркаи фурӯши либосҳои мактабӣ гузаронида шавад. Дар ин бора ба АМИТ «Ховар» дар хадамоти матбуоти Раиси ноҳияи Ашт хабар доданд.
1 август ҷаласаи кории Раиси ноҳияи Ашт Шӯҳрат Муҳаммадзода бо иштироки муовинони раиси ноҳия, роҳбари дастгоҳи раиси ноҳия, роҳбарони воҳидҳои сохторӣ, раисони ҷамоатҳои шаҳраку деҳот, масъулини Раёсати кишоварзӣ ва шахсони масъул доир гардид.
Зимни он Шӯҳрат Муҳаммадзода ба масъалаи кишти такрорӣ таваҷҷуҳи махсус зоҳир намуда, барои самаранок истифода намудани ҳар порча замини кишоварзӣ ба масъулин дастуру супоришҳо дод. Аз ҷумла, барои кишти турб, сабзӣ ва дигар намуди зироат тавсеаҳои судманд изҳор гардиданд.
Раиси ноҳия ба масъалаҳои таъмини хонандагон бо либоси хушсифати мактабӣ эътибори хосса зоҳир намуда иброз дошт, ки «дар 9 ҷамоати шаҳраку деҳоти ноҳия бо ҷалби коргоҳҳои дӯзандагӣ ярмаркаи фурӯши либосҳои мактабӣ гузаронида мешавад. Замони иқтисоди бозаргонист ва ҳар нафар метавонад аз коргоҳҳои дӯзандагии дилхоҳаш бо нархи арзон ва сифати баланд либос харидорӣ намояд. Дар ин замина аллакай шахсони масъул вобаста гардидаанд ва рӯзҳои наздик дар маркази ҷамоатҳо ярмаркаҳои либосҳои мактабӣ ташкил карда мешаванд».
Дар фарҷоми ҷаласа Раиси ноҳияи Ашт ба масъулини соҳа барои иҷрои вазифаҳои минбаъда дар шашмоҳаи дуюми соли 2022 супоришҳои мушаххас дод.
АКС: АМИТ «Ховар»/Хадамоти матбуоти Раиси ноҳияи Ашт
Масъалаи эътирофи баробарарзиши дипломҳои муассисаҳои таҳсилоти олӣ ва дараҷаву унвонҳои илмӣ байни Тоҷикистон ва Чин баррасӣ шуд
Дар ноҳияи Ҷалолиддини Балхӣ бинои иловагии муассисаи таълимӣ барои 288 хонанда ифтитоҳ ёфт
Донишгоҳи байналмилалии забонҳои хориҷии Тоҷикистон ва Донишгоҳи давлатии омӯзгории Бошқирдистон шартномаи ҳамкорӣ ба имзо расониданд
ФАРЗАНДОНРО БА РОҲИ РОСТ ҲИДОЯТ НАМОЕМ! Имрӯз барои илму дониш омӯхтан ва соҳибкасб гардидани онҳо тамоми шароит муҳайё гардидааст
МАРОТИБАИ АВВАЛ. Байни тарбиягирандагони муассисаҳои таҳсилоти томактабии Душанбе озмуни забондонӣ идома дорад
Байни Донишгоҳи давлатии омӯзгории Тоҷикистон ва 7 донишгоҳи олии Узбекистон шартномаи ҳамкорӣ ба имзо расид
Дар Донишгоҳи давлатии ҳуқуқ, бизнес ва сиёсати Тоҷикистон ҳамоиши рушди робототехника доир шуд
БО КВОТАИ «ДУРАХШАНДАГОН»-МАШҲУР ДАР ҶАҲОН. Донишҷӯёни тоҷик бо таҳсили намунавӣ дар рейтинги аввал қарор доранд
Ҳамкории дуҷонибаи Тоҷикистон ва Узбекистон дар самти таҳсили олии касбӣ ва илм баррасӣ карда шуд
Роҳбарияти раёсати Вазорати корҳои дохилӣ дар Хатлон бо кормандони соҳаи маорифи минтақаи Кӯлоб мулоқот намуд
Дар Тошканд Форуми дуюми ректорони муассисаҳои таҳсилоти олии Тоҷикистон ва Узбекистон оғоз шуд
Барои омӯзгорони фанҳои табиатшиносӣ, дақиқ ва риёзӣ машварати омӯзишӣ гузаронида шуд
