Дар Ҳисор сохтмони бинои Кумитаи иҷроияи Ҳизби Халқии Демократии Тоҷикистон шурӯъ гардид
ДУШАНБЕ, 02.08.2022 /АМИТ «Ховар»/. Дар кӯчаи Исмоили Сомонии шаҳри Ҳисор сохтмони бинои Кумитаи иҷроияи Ҳизби Халқии Демократии Тоҷикистон /ҲХДТ/ шурӯъ гардид. Дар маросими оғози корҳои сохтмонӣ муовини якуми Раиси ҲХДТ Абдуҷаббор Азизӣ, вакили Маҷлиси намояндагон Сурайё Дӯстмуродзода ва Раиси шаҳри Ҳисор Қосим Роҳбар иштирок намуданд. Дар ин бора АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад.
Бинои мазкур дар доираи дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ бунёд ёфта, масоҳати умумии он 2243 метри мураббаъ буда, аз се ошёна ва таҳхона иборат мебошад.
Лоиҳаи бино бо назардошти биноҳои мавҷудаи атроф, амсоли Кохи фарҳанг, осорхонаву китобхонаи марказӣ дар шакли классикӣ таҳия гардида, ошёнаи якум бо истифодаи санги мармар ва ду ошёнаи боқимонда бо истифода аз фибрабитон бо усулҳои меъмории миллӣ, ба монанди арк, сутуну сарсутун ва дигар ороишот бунёд меёбанд. Майдони назди бино ва атроф майсазор гардида, инчунин дарахтон ва гулу буттаҳои ороишӣ шинонида мешаванд.
Бино аз ҷониби ширкати сохтмонии «Бунёдкор сохтмон», роҳбараш Мироҷиддин Ёров сохта мешавад. Сохтмончиён уҳдадор шудаанд, ки биноро зарфи ду соли оянда- то соли 2024 мавриди баҳрабардорӣ қарор диҳанд.
Абдуҷаббор Азизӣ ва Қосим Роҳбар бо намои зоҳирӣ ва тарҳи лоиҳа аз таҳхона то қабати сеюми бино шинос гардида, ба сохтмончиён барои бо сифати баланд ва дар муҳлати муайянгардида ба анҷом расонидани сохтмони иншоот пешниҳоду маслиҳатҳои судманд доданд.
АКС: Мақомоти иҷроияи ҳокимияти давлатии шаҳри Ҳисор
Конститутсияи Ҷумҳурии Тоҷикистон санади муҳиму сарнавиштсоз барои миллати тоҷик аст
Конститутсия самтҳои асосии сиёсати хориҷии Тоҷикистонро муқаррар кардааст
Дар шаҳри Бохтар ба муносибати 32-солагии қабули Конститутсия ҳамоиш доир гардид
Дар ҷамоатҳои деҳоти Ясману Ҳоити ноҳияи Рашт ба ифтихори Рӯзи Конститутсия ҳамоиши идона доир гардид
Рӯзи Конститутсияи Ҷумҳурии Тоҷикистонро дар Хуҷанд бошукуҳ таҷлил намуданд
Ҳайати Тоҷикистон дар Форуми байналмилалии Арбитраж дар Чин иштирок намуд
«КОНСТИТУТСИЯ–САРОҒОЗИ НИЗОМИ ДАВЛАТДОРИИ МИЛЛӢ». Таҳти чунин унвон ҳамоиши ҷумҳуриявӣ доир шуд
Дар Донишгоҳи технологии Тоҷикистон бахшида ба Рӯзи Конститутсия конференсияи илмӣ–адабӣ гузаронида шуд
Бахшида ба Рӯзи Конститутсия дар Палатаи савдо ва саноати Тоҷикистон ҳамоиш доир гардид
Рустами Эмомалӣ аз ҷойҳои таърихию муқаддаси шаҳри бостонии Бухоро боздид намуданд
Бахшида ба Рӯзи Конститутсияи Ҷумҳурии Тоҷикистон дар Маҷлиси намояндагон ҳамоиши идона доир шуд
Дар «Саноатсодиротбонк» бахшида ба Рӯзи Конститутсия ҳамоиши маърифатӣ баргузор гардид
