Дар Маҷлиси намояндагон ҷаласаи ҳисоботии Фраксияи ҲХДТ баргузор гардид

Август 20, 2022 14:04

ДУШАНБЕ, 20.08.2022. /АМИТ «Ховар»/. 19 август ҷаласаи ҷамъбастӣ – ҳисоботии Фраксияи Ҳизби Халқии Демократии Тоҷикистон дар Маҷлиси намояндагони Маҷлиси Олии Ҷумҳурии Тоҷикистон баргузор гардид. Дар ин бора ба АМИТ «Ховар» котиби матбуоти Маҷлиси намояндагон Муҳаммадато Султонов хабар дод.

Дар ҷаласа муовини Раиси Ҳизби Халқии Демократии Тоҷикистон Асрор Латифзода, раиси Фраксияи ҲХДТ дар Маҷлиси намояндагон Фозил Обидзода, раиси Кумитаи иҷроияи ҲХДТ дар шаҳри Душанбе Иброҳим Мирзозода, аъзои Фраксияи ҲХДТ дар Маҷлиси намояндагон, раиси Кумитаи иҷроияи ҲХДТ дар ноҳияи Исмоили Сомонӣ Убайдулло Қурбонзода, роҳбарият ва аъзои ташкилоти ибтидоии ҳизбии «Қонунгузор» — и дастгоҳи Маҷлиси намояндагон иштирок намуданд.

Раиси Фраксияи ҲХДТ дар Маҷлиси намояндагон Фозил Обидзода иброз дошт, ки тибқи муқаррароти дастури Маҷлиси намояндагони Маҷлиси Олии Ҷумҳурии Тоҷикистон ва дар асоси қарори Шӯрои Маҷлиси намояндагони Маҷлиси Олии Ҷумҳурии Тоҷикистон аз 27 декабри соли 2021, вакилони Маҷлиси намояндагони Маҷлиси Олии Ҷумҳурии Тоҷикистон ҷиҳати гузаронидани вохӯриҳо бо интихобкунандагон оид ба шарҳи нуктаҳои асосии Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии Ҷумҳурии Тоҷикистон” ва амалигардии Барномаи пешазинтихоботии ҲХДТ (самтҳои муҳимтарини рушди мамлакат дар солҳои 2020 — 2025) аз 4 январи соли 2022 то 10 январи соли 2022 ба шаҳру ноҳияҳои ҷумҳурӣ сафари хизматӣ анҷом доданд.

Зикр шуд, ки дар давраи ҳисоботӣ аъзои Фраксияи ҲХДТ дар Маҷлиси намояндагони Маҷлиси Олии Ҷумҳурии Тоҷикистон дар ду ҷаласаи якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, 35 ҷаласаи Шӯро ва 29 иҷлосияи Маҷлиси намояндагони Маҷлиси Олии Ҷумҳурии Тоҷикистон иштирок намуда, дар доираи он беш аз 665 санади меъёриву ҳуқуқӣ мавриди баррасӣ қарор гирифт. Дар робита ба ин, аз рӯи масъалаҳои баррасишуда 466 қарори Шӯро ва 197 қарори Маҷлиси намояндагон бо тартиби муқарраргарида қабул гардиданд.

Инчунин дар давраи ҳисоботӣ ба Маҷлиси намояндагони Маҷлиси Олии Ҷумҳурии Тоҷикистон даъвати шашум, 127 қонун, аз ҷумла 20 қонуни мукаммал, 3 кодекс, 6 қонуни конститутсионӣ оид ба ворид намудани тағйиру иловаҳо ба қонунҳои конститутсионӣ, 56 қонун оид ба ворид намудани тағйиру иловаҳо ба қонунҳои амалкунанда, 42 қонун оид ба ворид намудани тағйиру иловаҳо ба кодексҳо, инчунин беш аз 39 созишномаву протоколҳо ва дигар санадҳои меъёрӣ манзур гардидаанд.

Инчунин дар ин рӯз дар ташкилоти ҳизбии «Қонунгузор»-и дастгоҳи Маҷлиси намояндагони Маҷлиси Олии Ҷумҳурии Тоҷикистон маҷлиси ҳисоботӣ — интихоботӣ доир гардид. Зимни он интихоби Раиси ташкилот, муовин ва аъзои раёсати ташкилоти ҳизбии «Қонунгузор» – и дастгоҳи Маҷлиси намояндагони Маҷлиси Олии Ҷумҳурии Тоҷикистон баррасӣ гардид. Аз рӯи масъалаи мазкур Наҷибулло Оқилзода- раис, Абдусамад Эсанқулов- муовин ва 4 нафар аъзои Раёсати ташкилоти ҳизбии “Қонунгузор” – и дастгоҳи Маҷлиси намояндагони Маҷлиси Олии Ҷумҳурии Тоҷикистон интихоб гардиданд.

АКС: Маҷлиси намояндагони Маҷлиси Олии ҶТ

Август 20, 2022 14:04

Хабарҳои дигари ин бахш

ҚОНУН «ДАР БОРАИ ТАРБИЯИ ВАТАНДӮСТИИ ШАҲРВАНДОН». Доир ба он байни хизматчиёни давлатӣ омӯзиш баргузор шуд
Табибони тоҷик дар Конгресси 17-уми осебшиносон-ортопедон дар Ҳиндустон иштирок намуданд
«Тоҷиксуғурта» соли гузашта дар ҳаҷми зиёда аз 5,8 миллион сомонӣ маблағи суғуртавӣ пардохт намуд
Соли 2022 барои таҷдиду барқарорсозии 42 иншооти оби нӯшокӣ беш аз 14 миллион сомонӣ ҷудо карда шуд
НИШАСТИ МАТБУОТӢ. Соли гузашта 770 ҳолати вайрон намудани Қонун «Дар бораи танзими анъана ва ҷашну маросим дар Ҷумҳурии Тоҷикистон» ба қайд гирифта шуд
ФАВРӢ! Роҳи мошингарди Душанбе-Чаноқ кушода шуд
Дар мақомоти Ваколатдор оид ба ҳуқуқи инсон лоиҳаи 50 санади меъёрии ҳуқуқӣ мавриди омӯзиш қарор гирифт
Маркази миллии қонунгузорӣ барои такмили механизми татбиқи қонунҳо беш аз 600 таклиф пешниҳод намуд
IRS ХАБАР МЕДИҲАД. Дар километрҳои аз 52 то 73-юми роҳи Душанбе-Чаноқ 45 тармаи хурду бузург фаромад
Соли 2022 дар Тоҷикистон номи 56 шаҳраку деҳот иваз карда шуд
Агентии обуҳавошиносӣ: «Соли гузашта 365 пешгӯиҳои якшабонарӯзӣ тартиб дода шуд, ки дурустии онҳо 93%-ро ташкил медиҳад»
ТАВАҶҶУҲ! Кумитаи ҳолатҳои фавқулода ва мудофиаи гражданӣ аз резиши сангу фаромадани тарма ҳушдор медиҳад