ДАР МАВҶ БАРНОМАИ «ГУФТУГӮ»-И РАДИОИ «ХОВАР». Дар доираи Солҳои рушди саноат дар Хоруғ 20 корхонаи саноатӣ бунёд мегардад
ДУШАНБЕ, 09.08.2022 /АМИТ «Ховар»/. Баъди соҳибистиқлол гардидани Тоҷикистон рушди иқтисодиву иҷтимоии шаҳри Хоруғи Вилояти Мухтори Кӯҳистони Бадахшон беҳтар гардида, феълан дар марҳилаи рушду такомул қарор дорад. Ба иттилои Раиси шаҳри Хоруғ Ризо Назарзода, имсол дар доираи эълон гардидани Солҳои рушди саноат (2022-2026) масъулин тасмим гирифтаанд, ки 20 корхонаи саноатӣ бунёд ва мавриди истифода қарор диҳанд.
Албатта, ин иқдом барои боз ҳам беҳтар шудани сатҳи зиндагии сокинон ва бо ҷойи кор таъмин намудани онҳо заминаи мусоид мегузорад. Ҳамзамон Мақомоти иҷроияи ҳокимияти давлатии шаҳри Хоруғ барои дар сатҳи баланд пешвоз гирифтани ҷашни 35-солагии Истиқлолияти давлатии Ҷумҳурии Тоҷикистон сохтмони 100 иншооти таъйиноташон гуногунро ба нақша гирифтааст, ки имрӯзҳо сохтмони қисмате аз онҳо шурӯъ гардидааст.
Хоруғ дорои захираҳои бойи табиӣ низ мебошад, зеро ҳанӯз соли 1928 дар ин водии зархез бар асари корҳои геологӣ-тадқиқотӣ манбаи зиёди ашёи хом, аз қабили конҳои намак, оҳан, мис, молибден, сурб, тилло, асбест, кварс, ёқут, лоҷувард ва гавҳар кашф гардид.
Шарҳи бештари мавзӯъро оид ба ҳолати иқтисодиву иҷтимоии шаҳри Хоруғ зимни суҳбати хабарнигор ва муаллифи барнома Нарзулло АЛИЗОДА бо Раиси шаҳри Хоруғ Ризо НАЗАРЗОДА дар барномаи «Гуфтугӯ»-и Радиои «Ховар» имрӯз, соати 09:30 (асл) ва такроран соатҳои 17:30 ва 21:30 аз мавҷи 101,5 FM бишнавед.
АКС: АМИТ «Ховар»
Дар шаҳри Хоруғ коргоҳи коркарди гиёҳҳои шифобахш таъсис меёбад
Дар Минтақаи озоди иқтисодии «Данғара» дар 10 моҳ 8 корхонаи саноатӣ фаъолият намудааст
Ҳайати Тоҷикистон дар иҷлосияи 20-уми Конфронси кулли UNIDO дар Вена иштирок дорад
Дар ноҳияи Шаҳритус корҳои созандагиву бунёдкорӣ ба истиқболи 35-солагии Истиқлоли давлатӣ вусъат меёбанд
ПАНҶСОЛАИ РУШДИ САНОАТ. Дар Хоруғ корхонаҳои истеҳсоли маҳсулоти гӯштӣ, ҳасиб ва коркарди меваи хушк бунёд мешаванд
Дар доираи «Барномаи рушди иҷтимоию иқтисодии ноҳияи Шаҳринав барои солҳои 2021-2025» 10 корхонаи саноатӣ бунёд мегардад
СОЛҲОИ РУШДИ САНОАТ. Дар шаҳри Хуҷанд корхонаҳои саноатӣ бунёд ва навсозӣ мешаванд
СОЛҲОИ РУШДИ САНОАТ. Дар шаҳри Хоруғ сохтмони якчанд корхонаи истеҳсолӣ оғоз гардид
Раиси вилояти Хатлон дар ноҳияи Ёвон бо ҷараёни корҳои ободонӣ ва сохтмони иншооти ҷашнӣ шинос шуд
Пешвои миллат Эмомалӣ Раҳмон дар шаҳри Хуҷанд коргоҳи истеҳсоли курсиҳои нарми «Арча»-ро ифтитоҳ намуданд
Президенти Тоҷикистон Эмомалӣ Раҳмон дар шаҳри Хуҷанд корхонаи коркарди шишаи ҶДММ «Шишакор»-ро ифтитоҳ намуданд
Пешвои миллат Эмомалӣ Раҳмон дар шаҳри Хуҷанд ба фаъолияти корхонаҳои истеҳсоли масолеҳи бинокорӣ оғоз бахшиданд
