Дар ноҳияи Шуғнон наҷотдиҳандагон тарзу усулҳои наҷоти ғарқшудагонро тамрин намуданд
ХОРУҒ, 28.08.2022 /АМИТ «Ховар»/. Раёсати Кумитаи ҳолатҳои фавқулода ва мудофиаи гражданӣ дар Вилояти Мухтори Кӯҳистони Бадахшон дар ҳамкорӣ бо Агентии Оғохон оид ба макони зист бо мақсади расонидани кумаки фаврӣ ба осебдидагон дар об дар ҳавзи оббозии Ҷамоати деҳоти Сучони ноҳияи Шуғнон машқи тактикӣ гузаронид. Машқ дар ду марҳила — аз наҷоти ғарқшуда ва расондани кумаки аввалияи тиббӣ ва амалиёти ғаввосӣ сурат гирифт.
Мушовири Агентии Оғохон оид ба макони зист Султонназар Холиқназаров ба хабарнигори минтақавии АМИТ «Ховар» Файз Мирасан гуфт, ки тобистони соли равон хеле гарм омад ва аз хурд то бузург рӯзҳои истироҳат барои оббозӣ ба лаби ҳавзу рудхонаҳо ҷамъ меоянд. Аксари ҳодисаҳои нохуш дар ҷойҳое рух медиҳанд, ки дар он ҷо оббозӣ ё шиноварӣ манъ аст. Бинобар аз кӯдакону наврасон ва волидони онҳо даъват намудем, ки дар чунин маконҳои ношинос оббозӣ накунанд. Бе ҳузур доштани шахсони калонсол ба ҳавз ё рудхона надароянд. Дар машқи тактикӣ ҳамчунин ҳунару маҳорати ғаввосон ҳангоми кашф ва аз об берун кардани шахси ғарқшуда ба намоиш гузоша шуд. Ҳамаи наҷотдиҳандагон дар ин машқи тактикӣ вазифаи худро хеле моҳирона иҷро намуданд.
Гурӯҳи наҷотдиҳандагон дар баробари такмил додани маҳорату истеъдоди худ ҳамчунин ба як гурӯҳи кӯдакону наврасон дар бораи бехатарӣ аз ғарқшавӣ дар об корҳои фаҳмондадиҳиро анҷом доданд.
Дар охир барои кӯдакону наврасон викторина баргузор карда шуда, онҳое, ки ба суолҳо ҷавобҳои дурусту мукаммал доданд, бо туҳфаҳои хотиравӣ қадрдонӣ гардиданд.
АКС: АМИТ «Ховар»
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
Дар шаҳри Гулистони вилояти Суғд Форуми дуюми сулҳи Фарғона доир шуд
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
