Дар Самарқанд Симпозиуми байналмилалии ҳайкалтарошӣ бо иштироки ҳунармандони кишварҳои узви Созмони ҳамкории Шанхай оғоз ёфт
ДУШАНБЕ, 09.08.2022 /АМИТ «Ховар»/. Дар Самарқанд бо иштироки ҳунармандони кишварҳои узви Созмони ҳамкории Шанхай Симпозиуми байналмилалии ҳайкалтарошӣ оғоз шуд, иттилоъ медиҳад АМИТ «Ховар» бо истинод ба АИ «Дунё».
Бино ба иттилои Вазорати сайёҳӣ ва мероси фарҳангии Ҷумҳурии Узбекистон, давоми як моҳ ҳайкалтарошони ҳирфаӣ ва устодони соҳаи пластика аз маводи сахт – мармар, металл, санг ва гилбуттаи пухта асарҳо эҷод мекунанд.
Симпозиум аз ҷониби Вазорати сайёҳӣ ва мероси фарҳангӣ дар якҷоягӣ бо ҳукумати вилояти Самарқанд дар доираи омодагӣ ба Нишасти сарони кишварҳои узви СҲШ, ки моҳи сентябр дар Самарқанд доир мешавад, ташкил шудааст.
Дар анҷоми симпозиум асарҳои ҳайкалтарошони кишварҳои СҲШ ба созмондиҳандагон барои насб дар боғҳою гулгаштҳои шаҳр ва ҳамчунин дар ҳудуди “Майдони осорхонаҳо”-и Самарқанд, ки 7 осорхонаро дар бар мегирад, ройгон тақдим карда мешаванд. Ҳамчунин нашри феҳристи ин асарҳо дар назар аст.
Бояд гуфт, ки созмондиҳандагон хоҳиши худро барои табдил додани Симпозиуми байналмилалии ҳайкалтарошӣ ба форуми анъанавӣ ва доимии ходимони санъати кишварҳои узви СҲШ изҳор доштанд.
ДАР АКС: муҷассамаи Абдураҳмони Ҷомӣ ва Алишери Навоӣ, ки 27 сентябри соли 2018 дар шаҳри Душанбе бо иштироки Президентҳои Ҷумҳурии Тоҷикистон Эмомалӣ Раҳмон ва Ҷумҳурии Узбекистон Шавкат Мирзиёев кушода шуд. Акс: АМИТ «Ховар»
«TAJIKISTAN, UNA CULTURA DA SCOPRIRE». Нашрияи итолиёвӣ доир ба мероси таърихию фарҳангии тоҷикон мақола чоп намуд
Ҷашнвораи ҳаштуми байналмилалии театрҳои лӯхтак «Чодари хаёл» оғоз гардид
Пагоҳ Намоишгоҳи чордаҳуми байналмилалии «Китоби Душанбе» оғоз мегардад
Дар Тоҷикистон филми бо истифодаи зеҳни сунъӣ офаридаи коргардони тоҷик соҳиби ҷоизаи миллӣ шуд
«ТОҶИКИСТОН—КИШВАРИ ЁДГОРИҲОИ НОДИР». Ёдгориҳои таърихӣ ва мероси фарҳангии тоҷикон дар шаҳри Рим муаррифӣ гардиданд
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
