Номи сарвазири нави Британия 5 сентябр маълум мешавад

Август 23, 2022 12:24

ДУШАНБЕ, 23.08.2022 /АМИТ «Ховар»/. Дар Британия номи роҳбари нави ҳукумат 5 сентябр эълон мегардад. Тавре АМИТ «Ховар» иттилоъ медиҳад, дар ин бора шабакаи телевизионии Sky News бо истинод ба ҳамраиси ҳизби консервативӣ Эндрю Стивенсон хабар додааст.

Ба гуфтаи ӯ, натиҷаи интихоботи раиси ин ҳизб, ки нахуствазири нав мешавад, баъд аз зуҳри 5 сентябр эълон хоҳад шуд.

Интизор меравад, ки ин рӯйдод соати 12:30 ба вақти маҳаллӣ рух диҳад. Аммо ин макон то ҳол ном бурда нашудааст, ба далели амниятӣ ширкаткунандагони маросим дар ин бора ҳамагӣ 48 соат пеш аз баргузории чорабинӣ иттилоъ хоҳанд ёфт.

Эҳтимол меравад, ки рӯзи дигар иҷрокунандаи вазифаи сарвазир Борис Ҷонсон ваколатҳоро ба вориси худ интиқол диҳад. Ва аллакай 7 сентябр дар парлумон ҷаласаи анъанавии саволҳо ба сарвазир баргузор мешавад.

Ёдовар мешавем, ки ба даври ниҳоии мубориза барои мақоми раҳбари Ҳизби консервативӣ вазири корҳои хориҷӣ Лиз Трасс ва вазири собиқи молия Риши Сунак роҳ ёфтанд. Нуҳ сиёсатмадори дигар пас аз чанд даври интихобот онро тарк карданд.

Интихоби ниҳоиро аъзои одии ҳизб, ки тақрибан аз 200 ҳазор британиягиҳо иборатанд, анҷом хоҳанд дод.

АКС: www.unsplash.com

Август 23, 2022 12:24

Хабарҳои дигари ин бахш

Олим заминларзаи харобиовари Туркияро ғайримуқаррарӣ номид
Вазири тандурустии Сурия дар бораи 1250 нафар ҳалокшудагон ва 2054 нафар маҷрӯҳон бар асари заминларза иттилоъ дод
Теъдоди ҳалокшудагони заминларза дар Туркия ба 5894 нафар расид
Теъдоди ҳалокшудагони заминларзаи харобиовар дар ҷануби Туркия ба 2921 нафар расид
Собиқ президенти Покистон Парвиз Мушарраф аз олам даргузашт
Дар Туркия бар асари заминларза беш аз 75 нафар ҳалок шуданд
Дар шимоли Сурия шумораи ҳалокшудагон бар асари заминларза ба беш аз 100 нафар расид
Дар Мексика бар асари сардии ғайримуқаррарӣ на кам аз 26 нафар ба ҳалокат расиданд
Олимон барои харобшавӣ табобати иммунӣ таҳия карданд
Мақомоти Туркия дар робита ба Google тафтиши зиддимонополӣ оғоз карданд
Дар Ҷопон беш аз як миллион сар мурғ аз сабаби зукоми паранда нобуд карда мешаванд
COVID-19. Дар Олмон низоми оммавии ниқобпӯшӣ дар автобус ва қатораҳо бекор карда мешавад