ПУРСИДЕД, ҶАВОБ МЕДИҲЕМ! Хонандагон донистан мехоҳанд, ки дар Вазорати корҳои дохилии Тоҷикистон кӣ ба кадом вазифа таъйин шуд

Август 28, 2022 10:35

ДУШАНБЕ, 28.08.2022 /АМИТ «Ховар»/. Тавре қаблан хабар дода будем, 17 август Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кадрҳоеро, ки ба вазифаҳои пурмасъули Вазорати корҳои дохилӣ таъйин гардиданд, ба ҳузур пазируфтанд. Зимни суҳбат бо кадрҳои ин ниҳоди давлатӣ Пешвои миллат асосан таъмини суботу амният, таҳкими волоияти қонун, мубориза алайҳи ҳамагуна ҷинояткорӣ, бахусус терроризму экстремизм, гардиши ғайриқонунии маводи мухаддир ва дигар ҷиноятҳоеро, ки дар шароити авзои мураккабу печидаи минтақа ба амнияту субот ва зиндагии осудаи мардум хатар доранд, таъкид намуданд.

Хонандагон аз мо пурсон мешаванд, ки дар ВКД ҶТ кӣ  ба кадом вазифа таъйин шудааст? Вобаста ба ин дар маркази матбуоти ин ниҳод ба мо чунин посух доданд.

Дар мувофиқа бо Президенти Ҷумҳурии Тоҷикистон кормандони соҳибтаҷриба, кордону болаёқат ба вазифаҳои зерин таъйин гардиданд:

Аз он ҷумла:

— генерал-майори милитсия Насимзода Акбар Ғиёс ба вазифаи муовини Вазири корҳои дохилии Ҷумҳурии Тоҷикистон;

— полковники милитсия Муборакқадамзода Абдураҳмон Назархон ба вазифаи муовини Вазири корҳои дохилии Ҷумҳурии Тоҷикистон;

— полковники милитсия Шарифзода Темур Икром ба вазифаи сардори Сармаркази иттилоотӣ-таҳлилии Вазорати корҳои дохилии Ҷумҳурии Тоҷикистон;

— полковники милитсия Қурбонзода Суҳроб Амиралӣ ба вазифаи сардори Раёсати бозрасии давлатии автомобилии Вазорати корҳои дохилии Ҷумҳурии Тоҷикистон;

— полковники милитсия Саидзода Раҳматулло Аҳмад ба вазифаи сардори Шуъбаи Вазорати корҳои дохилӣ дар ноҳияи Восеи вилояти Хатлон;

— полковники милитсия Раҳимзода Файзулло Изатулло ба вазифаи сардори Шуъбаи Вазорати корҳои дохилӣ дар ноҳияи Сангвор;

— полковники милитсия Шарифзода Қиёмиддин Маҳмадулло ба вазифаи сардори Шуъбаи Вазорати корҳои дохилӣ дар ноҳияи Мурғоби ВМКБ;

— полковник Абдулҳайзода Шодмон Убайдулло ба вазифаи командири баталйони таъйиноти махсуси (қисми ҳарбии 3505) Раёсати Қӯшунҳои дохилии Вазорати корҳои дохилии Ҷумҳурии Тоҷикистон;

— подполковники милитсия Асрори Искандар Карим ба вазифаи сардори ШВКД дар нақлиётбудаи вилояти Суғд;

— майори милитсия Шамсулозода Баҳром Салом ба вазифаи сардори ШВКД хати фурӯдгоҳи шаҳри Душанбе

— подполковники милитсия Мирзозода Рамазон Бозоралӣ ба вазифаи сардори ШВКД дар ноҳияи Варзоб;

— майор Сафаралиев Мирзоалӣ Шералиевич ба вазифаи командири баталйони алоҳидаи фаврии таъйиноти махсуси (қисми ҳарбии 3504) Раёсати Қӯшунҳои дохилии Вазорати корҳои дохилии Ҷумҳурии Тоҷикистон;

— майори милитсия Аминзода Ҳабибулло Саидмурод ба вазифаи сардори ШВКД дар нақлиётбудаи вилояти Хатлон.

АКС аз бойгонии АМИТ «Ховар»

Август 28, 2022 10:35

Хабарҳои дигари ин бахш

Мулоқоти гурӯҳҳои топографӣ ва кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Дар Вазорати корҳои дохилии Тоҷикистон доир ба қонунгузории соҳа машварати омӯзишӣ баргузор шуд
Дар Пекин машваратҳои байниидоравӣ оид ба таъсиси Маркази зиддимухаддиротии Созмони ҳамкории Шанхай дар Душанбе доир шуданд
САФ КАШЕМ АЗ ҲАМА ҶО БАҲРИ ДИФОЯТ, МЕҲАН. Эҳдо ба Рўзи Қувваҳои Мусаллаҳи Тоҷикистон
31 СОЛИ ПУР АЗ МАТОНАТУ ҶОННИСОРӢ. Хизматчиёни ҳарбии Қувваҳои Мусаллаҳи Тоҷикистон рисолати хешро дар назди давлат ва миллат сарбаландона иҷро мекунанд
АФСАРОНУ САРБОЗОНИ БОНАНГУ НОМУСИ ВАТАН –ИФТИХОРИ МО! Ҳифзи сарзамини аҷдодӣ вазифаи муқаддас аст
Дар Бадахшон занон-модарон ба дидорбинии фарзандон – сарбозони Ватан рафтанд
«ВАТАНПАРВАР». Дар Хатлон озмуни ҳарбӣ-ватандӯстӣ ҷамъбаст гардид
Дар ноҳияи Исмоили Сомонии пойтахт бахшида ба Рўзи Қувваҳои Мусаллаҳи Тоҷикистон ҳамоиши идона доир шуд
СИПОС БА МУҲОФИЗОНИ ВАТАН. Дар Донишкадаи давлатии фарҳанг ва санъати Тоҷикистон бахшида ба Рӯзи Қувваҳои Мусаллаҳ барномаи фарҳангӣ доир шуд
31-СОЛАГИИ ТАЪСИСИ ҚУВВАҲОИ МУСАЛЛАҲ. Сарбозони Ватан баҳри ҳифзу дифои ҳар пора замину ҳар зарра хоки Тоҷикистон ҷони худро дареғ намедоранд
Бахшида ба 31-солагии Қувваҳои Мусаллаҳи Тоҷикистон байни кормандони вазорату идораҳо мусобиқаҳои варзишӣ оғоз шуданд