Раиси «Амонатбонк» Сироҷиддин Икромӣ бо кормандони марказҳои хизматрасонии бонкии Бадахшон мулоқот намуд

Август 10, 2022 10:32

ДУШАНБЕ, 10.08.2022 /АМИТ «Ховар»/. Бо мақсади баланд бардоштани сатҳу сифати хизматрасонии бонкӣ ва ба ин васила қонеъ намудани талаботи мизоҷон ба хизматрасонии босифат тамоми кормандонро зарур аст, ки бо дасти пок ва нияти нек фаъолият намоянд. Чунин зикр намуд Раиси Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ дар мулоқот бо роҳбарони филиалҳо, мутахассисон, кормандони марказҳои хизматрасонии бонкии Бонки давлатии амонатгузории Ҷумҳурии Тоҷикистон «Амонатбонк» дар Вилояти Мухтори Кӯҳистони Бадахшон.

Тавре ба АМИТ «Ховар» дар Бонки давлатии амонатгузории Ҷумҳурии Тоҷикистон «Амонатбонк» иттилоъ доданд, дар мулоқот масъулини идораи танзим ва назорати марказҳои хизматрасонии бонкӣ доир ба фаъолияти марказҳои хизматрасонии бонкии БДА «Амонатбонк» дар соли равон дар Вилояти Мухтори Кӯҳистони Бадахшон бо таҳлилу пешниҳодҳои мушаххас гузориш доданд.

Зикр шуд, ки дар ВМКБ 9 филиал бо 40 маркази хизматрасонии бонкӣ, аз ҷумла 1 адад хазинаи бегоҳирӯзӣ ба аҳолии шаҳри Хоруғ хизмати гуногуни бонкӣ мерасонанд. Дар марказҳои хизматрасониҳои бонкӣ амалиёти гуногуни бонкӣ, аз қабили интиқоли маблағҳои шахсони воқеӣ бидуни кушодани суратҳисоб, амалиёти хазинавӣ, қабули маблағҳои коммуналӣ, маблағҳои телефони мобилӣ, пур намудани ҳамёни электронӣ, андозҳо, ҷаримаҳо, пардохти маблағҳои нафақа ва кумакпулиҳо, хизматрасонии машваратӣ оид ба ҳама гуна амалиёти бонкӣ ва дигар намуди пардохтҳо аз аҳолӣ гузаронида мешаванд.

Дар анҷоми мулоқот марказҳои хизматрасонии бонкии №627-и филиали №74-и «Амонатбонк» дар ноҳияи Шуғнон ва маркази хизматрасонии бонкии №619-и филиали №72-и «Амонатбонк» дар ноҳияи Ишкошим барои гузоштани саҳми босазо дар рушди фаъолияти соҳа ва тақвияти мавқеи бонк дар низоми бонкии кишвар бо Ифтихорнома сарфароз гардонида шуданд.

АКС: Бонки давлатии амонатгузории Ҷумҳурии Тоҷикистон «Амонатбонк»

Август 10, 2022 10:32

Хабарҳои дигари ин бахш

Соли 2022 «Тоҷиксуғурта» ба буҷети ҷумҳурӣ қариб 7 миллион сомонӣ маблағ ворид намуд
БАХШИДА БА СОЛҲОИ РУШДИ САНОАТ. Корхонаҳои саноатии Хуҷанд соли 2022 ба маблағи беш аз 1,7 миллиард сомонӣ маҳсулот истеҳсол намуданд
Дар Душанбе дурнамои ҳамкории тиҷоративу иқтисодии Тоҷикистон ва Русияро баррасӣ намуданд
НАМОИШГОҲИ БАЙНАЛМИЛАЛИИ САЙЁҲИИ ITB BERLIN 2023. Ҳайати Тоҷикистон барои иштирок дар он омодагӣ мебинад
БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Дар вилояти Суғд бунёди зиёда аз 700 корхонаву коргоҳи нави саноатӣ ба нақша гирифта шудааст
Соли 2022 Агентии «Тоҷикстандарт» наздик ба 888 ҳазор кг маҳсулоти гуногуни ба талабот ҷавобгӯ набударо ба қайд гирифт
ИСТИФОДАИ САМАРАНОКИ ЗАМИН. Деҳқони соҳибтаҷрибаи ноҳияи Қубодиён Азамат Абдураҳмонов ба ҳамдеҳагонаш ташкили дурусти гармхонаҳоро меомӯзонад
ҚУРБИ АСЪОР: дар Тоҷикистон 1 рубли русӣ аз 0.1460 то 0.1480 сомонӣ муқаррар карда шудааст
Соли 2022 яке аз солҳои рекордии болоравии нархҳои озуқа дар ҷаҳон гардид
Робитаҳои байналмилалии Хадамоти назорати давлатии бехатарии корҳо дар саноат ва соҳаи кӯҳкорӣ тақвият меёбанд
Бонки ҷаҳонӣ омода аст, ки ҳамкориро бо «Амонатбонк» густариш диҳад
«ТОҶИКИСТОН-ГАВҲАРИ КАШФНОШУДА ДАР САМОИ САЙЁҲӢ». Дар Душанбе Форум ва Намоишгоҳи байналмилалиии сайёҳӣ доир карда мешаванд