Раисони судҳои олии Тоҷикистон ва Қирғизистон мулоқот намуданд
ДУШАНБЕ, 18.08.2022 /АМИТ «Ховар»/. Дар Душанбе вохӯрии Раиси Суди Олии Тоҷикистон Шермуҳаммад Шоҳиён бо Раиси Суди Олии Қирғизистон Замирбек Базарбеков, ки дар ҷаласаи 17-уми раисони судҳои олии давлатҳои аъзои Созмони ҳамкории Шанхай иштирок дорад, баргузор гардид. Ҷаласа дар пойтахти Тоҷикистон мегузарад.
Зимни мулоқот таъкид гардид, ки миёни Ҷумҳурии Тоҷикистон ва Ҷумҳурии Қирғизистон муносибатҳои неки ҳамсоягӣ ва бародарона ба вуҷуд омадаанд, ки заминаи мустаҳками таърихию фарҳангӣ доранд. Ҳамкории ду кишвар дар асоси муносибатҳои дуҷониба ва биисёрҷониба дар доираи созмонҳои байналмилалӣ ва минтақавӣ, аз қабили СММ, Иттиҳоди Давлатҳои Мустақил, Созмони ҳамкории Шанхай инкишоф меёбад.
Тарафҳо ба таҳкими минбаъдаи ҳамкорӣ, бахусус дар таҳия ва татбиқи ташаббусҳои муштарак оид ба такмили низоми судии ду кишвар изҳори ҳавасмандӣ карданд.
Бо мақсади таҳкими минбаъдаи ҳамкории дуҷониба Раиси Суди Олии Қирғизистон Замирбек Базарбеков Шермуҳаммад Шоҳиёнро барои иштирок дар конфронси байналмилалии «Мустақилияти ҳокимияти судӣ дар заминаи ислоҳоти конститутсионӣ», ки 16 сентябри соли 2022 дар Бишкек баргузор мегардад, даъват намуд.
Шермуҳаммад Шоҳиён ба Замирбек Базарбеков барои ширкаташ дар ҷаласаи 17-уми раисони судҳои олии давлатҳои аъзои Созмони ҳамкории Шанхай миннатдорӣ баён намуда, гуфт, ки барои ба сатҳи нав баровардани ҳамкории дуҷониба омода аст.
Ҷонибҳо инчунин дастовард, афзалият ва таҷрибаи низоми судии ду кишварро баррасӣ карданд.
АКС аз манбаъҳои боз
Донишҷӯёни тоҷике, ки дар Русия таҳсил доранд, даъват шуданд, ки илм омӯзанд
Президенти Ҷумҳурии Узбекистон Шавкат Мирзиёев дар пояи муҷассамаи Исмоили Сомонӣ гулчанбар гузошт
Намояндаи Тоҷикистон дар машваратҳои ғайрирасмӣ дар сатҳи сафирон оид ба Саммити Оянда иштирок намуд
Давлатшоҳ Гулмаҳмадзода дар ҳамоиш бахшида ба раёсати Қазоқистон дар Созмони Ҳамкории Шанхай иштирок намуд
Ҷавонон дар сиёсати пешгирифтаи Ҳукумати Тоҷикистон ҷойгоҳи афзалиятнок доранд
Дар Ашқобод ҳамкории Тоҷикистон бо Маркази минтақавии СММ оид ба дипломатияи пешгирикунанда баррасӣ шуд
Дар Женева тақвияти ҳамкории Тоҷикистон бо Маркази байналмилалии савдо баррасӣ гардид
Тоҷикистон бо Бонки Аврупоии таҷдид ва рушд оид ба тавсеаи ҳамкорӣ дар соҳаҳои иқтисод ва тиҷорат табодули афкор намуд
Имрӯз таҳти раёсати Сарвазири Тоҷикистон ҷаласаи дуюми Кумитаи тадорукоти Конфронси сеюми оби Душанбе баргузор гардид
Дар Сафорати Ҷумҳурии Тоҷикистон дар Конфедератсияи Швейтсария Наврӯзи байналмилалиро таҷлил намуданд
Тоҷикистон барои дорандагони шиносномаҳои умумишаҳрвандии хориҷии Туркия низоми раводид ҷорӣ намуд
Дар Тошканд вохӯрии вазирони корҳои хориҷии Тоҷикистон ва Узбекистон баргузор шуд
