ТАЛАБОТ БА ЧИПТАҲОИ ҲАВОПАЙМО 10 БАРОБАР ЗИЁД ШУД! Тоҷикистон миёни кишварҳои маъруфтарин барои сафари шаҳрвандони Русия дар ҷои дуюм қарор гирифт
ДУШАНБЕ, 01.08.2022 /АМИТ «Ховар»/. Тоҷикистон дуюмин кишвари маъруфтарин барои саёҳати шаҳрвандони Русия дар тобистони соли 2022 гардид. Дар ин бора аз маълумоти хадамоти таҳлилии сафарҳо ва саёҳати «Туту.ру» бармеояд, менависад агентии иттилоотии «Sputnik»-и Русия.
Ҳиссаи мусофироне, ки ба ин хатсайр чипта харидорӣ кардаанд, тақрибан 17,7 фоизро ташкил дод. Нархи миёнаи чипта ба ҷумҳурӣ ба 10,1 ҳазор рубл расид, ки нисбат ба соли 2021 49% камтар аст. Тоҷикистон яке аз давлатҳо барои саёҳат аст, ки дар он нархи сафарҳо баланд намешавад.
«Талабот ба кишварҳои хориҷи наздик бештар ба Қирғизистон, Тоҷикистон, Арманистон, Узбекистон, Озарбойҷон, Қазоқистон ва Беларус аст», — зикр шудааст дар «Туту.ру».
Тавре аз рӯйхат дида мешавад, ҷои аввалро миёни хатсайрҳои ҳавоии шаҳрвандони Русия тобистони имсол Қирғизистон ишғол намуд. Аммо нисбат ба соли 2021 нархи чипта ба ин давлат 21 фоиз афзуд ва қариб 10,5 ҳазор рублро ташкил дод.
Ба даҳ хатсайри маъруфи ҳавоӣ Гурҷистон, Исроил ва Туркия дохил шуданд. Нархи чиптаҳо ба ин кишварҳо низ боло рафтааст.
Арзиши сафар ба Исроил махсусан хеле баланд шуда, нархи чипта дар муқоиса бо соли 2021 181% афзуда, ба 42,9 ҳазор рубл баробар шуд.
Шаҳрвандони Русия барои сафар ба Туркия ҳудуди 30 000 рубл пардохт мекунанд. Нархи чиптаи ин хатсайри ҳавоӣ 139 фоиз қимат шудааст.
Нархи чиптаҳо ба Гурҷистон соли 2022 нисбат ба соли пеш 43% қимат шуда, қариб 27 ҳазор рублро ташкил дод.
«Тақрибан 88 фоизи парвозҳо тобистони имсол дар дохили Русия ва 12 дарсад дар хориҷа анҷом дода мешаванд», — тазаккур доданд намояндагони ширкат.
Мавриди зикр аст, ки арзиши сафар дар ҳама хатсайрҳои маъмул, ба ғайр аз Тоҷикистон, Қазоқистон ва Беларус боло меравад.
Қаблан коршиносони хадамоти OneTwoTrip гуфта буданд, ки талабот ба чиптаҳои ҳавопаймо ба Тоҷикистону Қазоқистон миёни шаҳрвандони Русия даҳ баробар афзоиш ёфтааст. Ба рӯйхати маъруфтарин кишварҳо барои саёҳати русҳо дар моҳи июл Арманистон, Тоҷикистон, Туркия, Узбекистон, Озарбойҷон, Қазоқистон, Беларус, Амороти Муттаҳидаи Араб ва ҳамчунин Гурҷистон ворид шудаанд, иттилоъ доданд дар маркази матбуоти хадамоти мазкур.
Аз ҳама зиёд талаботи чиптаҳои ҳавопаймо ба Тоҷикистон (10 маротиба) ва Қазоқистон (9,4 маротиба) бештар шудааст, хабар доданд дар маркази матбуоти хадамот. Дар моҳи июл парвозҳо ба хориҷи кишвар ба ҳисоби миёна барои як нафар ба як тараф 22 ҳазору 100 рубл нархгузорӣ шуданд.
АКС аз манбаъҳои боз
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
