«ТАНҲО БЕ ВОҲИМА». 17 август тӯфони магнитии сахт дар назар аст
ДУШАНБЕ, 16.08.2022 /АМИТ «Ховар»/. Тӯфони магнитии тӯлонӣ ва назар ба тӯфони пештара пурзӯртар, ки дар натиҷаи неруи оташфишонии Офтоб ба вуҷуд омадааст, 17 август ба Замин мерасад. Дар ин бора ба АМИТ «Ховар» ноиби президенти Академияи миллии илмҳои Тоҷикистон, доктори илмҳои физикаю математика, узви вобастаи Академия Гулчеҳра Қоҳирова хабар дод.
«Доманаи плазма ба сӯи Замин бо суръати беш аз 2 миллион км/соат парвоз мекунад, сафари вай якчанд рӯз идома меёбад. Абри плазмаи торик, ки аз сатҳи Офтоб берун баромадааст, ба сатҳи Замин расида, боиси тӯфони геомагнитӣ мешавад»,- шарҳ дод олим.
Ба гуфти Гулчеҳра Қоҳирова, ин падидаи маъмули геофизикиест, ки дар як моҳ 5-10 маротиба рух медиҳад.
Астрофизикҳо давоми 5—6 соли охир тӯфонҳои хеле пуриқтидори магнитиро мушоҳида карда истодаанд, вале қабати геомагнитии Замин хеле мустаҳкам буда, таъсири энергияи шуълаи Офтобро нарм мекунад. Тӯфони навбатии магнитӣ, ки пагоҳ дар назар аст, назар ба тӯфонҳои қаблӣ каме тавонотар хоҳад буд, аммо дар ин ҳеҷ чизи ғайриодӣ нест. Интизори қатъ шудани қувваи барқ, қатъ гардидани кори таҷҳизот ва ё дигар фалокатҳо нашавед. Воҳима ҳам накунед! Бо ин сабаб миёни аҳолӣ набояд ташвишу изтироб ба амал ояд. Тӯфони магнитиро одамони гирифтори бемориҳои музмин ва дилу раг эҳсос хоҳанд кард», гуфт ноиби президенти Академияи миллии илмҳои Тоҷикистон Гулчеҳра Қоҳирова.
Елена БАТЕНКОВА,
Раъно НУСРАТУЛЛО,
АМИТ «Ховар»
АКС аз манбаъҳои боз
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
Дар Душанбе конференсияи ҷумҳуриявӣ оид ба ҳифзи ёдгориҳои таърихию фарҳангӣ доир гардид
Дар Душанбе бо иштироки олимону зиёиёни Тоҷикистон ва Узбекистон конференсияи байналмилалӣ баргузор шуд
Дар доираи Ҳафтаи илм оид ба мероси уран дар Осиёи Марказӣ конфронси байналмилалӣ баргузор гардид
ИМРӮЗ-РӮЗИ ҶАҲОНИИ ҲИФЗИ ЁДГОРИҲОИ ТАЪРИХИЮ ФАРҲАНГӢ. Дар Тоҷикистон зиёда аз 100 ёдгории таърихиву фарҳангӣ тармиму барқарор гардид
Дар Қасри фарҳанги ноҳияи Варзоб ба алоқамандони синамо филми ҳунарии «Таҳаввулот» намоиш дода шуд
Ҳамкории Академияи миллии илмҳои Тоҷикистон ва муассисаҳои илмии Чин густариш меёбад
Маърифати ҳуқуқӣ ва экологӣ — омили ободкориву созандагӣ. Эҳдо ба Рӯзи пойтахти Тоҷикистон
Риояи дастурамали либосҳои тавсиявӣ барои занону духтарони Тоҷикистон арҷгузорӣ ба суннатҳои миллӣ ва эҳтиром ба миллат аст
