Тоҷикистон имсол ба хориҷа ба маблағи беш аз 1,2 миллиард доллар маҳсулот содирот намудааст
ДУШАНБЕ, 03.08.2022 /АМИТ «Ховар»/. Тоҷикистон соли равон ба хориҷи кишвар ба маблағи 1 млрд 215,2 миллион доллари амрикоӣ маҳсулот содирот намудааст, ки нисбат ба ҳамин давраи соли гузашта 1,6 миллион доллар зиёд мебошад. Дар ин бора имрӯз зимни нишасти матбуотӣ ба хабарнигорон Директори Агентии содироти назди Ҳукумати мамлакат Шавкат Бобозода иттилоъ дод.
Зикр гардид, ки ҳаҷми содироти маҳсулоти саноатӣ якҷо бо барқ 1180,3 миллион долларро ташкил дод. Ҳамзамон дар натиҷаи тадбирҳои андешидаи Ҳукумати ҷумҳурӣ барои афзоиши содироти маҳсулоти кишоварзӣ дар ин давра аз Тоҷикистон ба хориҷи мамлакат ба маблағи беш аз 27 миллион доллар маҳсулоти кишоварзӣ содирот гардид, ки нисбат ба ҳамин давраи соли гузашта зиёда аз 15,5 миллион доллар ё 28,1 фоиз зиёд аст. Аз рӯи ҳаҷм содироти маҳсулоти кишоварзӣ беш аз 115 ҳазор тоннаро ташкил дод, ки нисбат ба соли 2021 қариб 9 ҳазор тонна зиёд аст.
Дар ҳаҷми умумии содироти маҳсулоти кишоварзӣ беш аз 75 ҳазор тоннаро сабзавот, қариб 19 ҳазор тоннаро меваи хушк, беш аз 15 ҳазор тоннаро меваҷот ва дигар намуди маҳсулоти кишоварзӣ ташкил медиҳанд.
Зимни натиҷагирӣ аз фаъолияти Агентии содироти мамлакат Шавкат Бобозода афзуд, ки «моҳи майи соли равон дар шаҳри Бохтар Форуми байналмилалии содиротии «Бохтар Фуд-2022» бо иштироки 250 нафар роҳбарону масъулини мақомоти давлатии соҳавӣ, намояндагони корпуси дипломатии муқими Тоҷикистон, шарикони рушд, бахши хусусӣ ва ширкатҳо гузаронида шуд. Ҳадафи форум рушди содирот, тақвияти истеҳсолоти ба содирот нигаронидашуда, баланд бардоштани рақобатпазирии маҳсулоти ватанӣ дар бозорҳои дохилӣ ва хориҷӣ тавассути муаррифии имконоти содиротии кишвар мебошад.
Дар Форум 12 созишнома ва шартномаҳои ҳамкорӣ ба маблағи 21 миллион доллар ба имзо расонида шуданд, ки ин ба содироти маҳсулоти ватанӣ ва баромадан ба бозорҳои нави фурӯши маҳсулот мусоидат менамояд.
Марзия САИДЗОДА,
АМИТ «Ховар»
АКС: АМИТ «Ховар»
Форуми сафарбаркунии сармоягузориҳои хусусӣ ва маблағгузории инноватсионӣ барои инфрасохтори об дар кишварҳои рӯ ба тараққии маҳсур дар хушкӣ оғоз шуд
Сокинони Ҷамоати деҳоти «Чорбоғ»-и ноҳияи Қубодиён дар таъмини амнияти озуқаворӣ саҳм мегузоранд
24 МАЙ — РӮЗИ БАЙНАЛМИЛАЛИИ МОРХӮР. Дар Тоҷикистон саршумори ин ҳайвони нодири пармашох ба 7 000 сар расидааст
Тоҷикистон ва Ҷумҳурии Корея ҳамкориро дар бахши шуғл ва омодасозии кадрҳо тақвият мебахшанд
Баҳодур Шерализода дар Ню-Йорк ва Вашингтон бо шарикони рушд ва ниҳодҳои байналмилалӣ оид ба ҳамкории иқлимӣ мулоқот намуд
МУҚОВИМАТ БА КОРРУПСИЯ. Ҷаласаи якуми гурӯҳи кории байниидоравӣ оид ба татбиқи Стратегияи давлатӣ баргузор гардид
Дар шаҳри Боку Форуми соҳибкории Тоҷикистону Озарбойҷон баргузор шуд
РАҚАМИКУНОНИИ ҲАМЛУ НАҚЛ. Тоҷикистон ва Қирғизистон нахустин маротиба низоми байналмилалии eTIR-ро озмуданд
Тавсеаи ҳамкории Тоҷикистон бо Котиботи давлатии Швейтсария оид ба масъалаҳои иқтисодӣ баррасӣ гардид
Вазорати молия натиҷаҳои таҳқиқоти «Буҷети кушода»-и соли 2025-ро муаррифӣ намуд
Дар Боку ҷаласаи 8-уми Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистону Озарбойҷон баргузор шуд
Тоҷикистон ва Чин ҳамкориро барои рушди энергетикаи «сабз» густариш медиҳанд
