Варзишгарони тоҷик ба рейтинги ҷаҳонии гӯштингирон шомил шуданд
ДУШАНБЕ, 25.08.2022 /АМИТ «Ховар»/. Иттиҳоди ҷаҳонии гӯштин (United World Wrestling) рейтинги (раддабандӣ) нави гӯштигирони тарзи озод ва юнонӣ-румиро, ки ба он намояндагони Тоҷикистон низ шомил гардиданд, нашр кард, хабар медиҳад АМИТ «Ховар».
Бино ба маълумоти UWW, дар рейтинги ҷаҳонии гӯштини тарзи озод панҷ варзишгари тоҷик, аз ҷумла Ҳикматулло Воҳидов дар вазни 57 кг (зинаи 40), Муҳаммад Икромов дар вазни 61 кг (зинаи 44), Мустафо Аҳмадов дар вазни 70 кг (зинаи 48), Муборакшо Курбонбеков дар вазни 70 (зинаи 72) ва Шуҳрат Бозоров дар вазни 79 кг (зинаи 62) шомил гардидаанд.
Дар рейтинги беҳтарин гӯштигирони юнонӣ-румӣ дар ҷаҳон намояндагони Тоҷикистон низ ҳастанд. Дар он Асламҷон Азизов дар вазни 55 кг дар ҷои 25-ум, Далер Ризозода дар вазни 77 кг дар зинаи 30-юм ва Сӯҳроб Абдулхаев дар вазни то 82 кг дар ҷои 62-юм қарор доранд.
Ёдовар мешавем, ки қаблан рейтинги расмии варзишгарон дар намуди гӯштин тартиб дода намешуд, аммо роҳбарияти нави Иттиҳоди ҷаҳонии гӯштин (UWW) дар мисоли дигар федератсияҳои байналмилалии ҳунарҳои размӣ тасмим гирифт, таҷрибаи гурӯҳбандии паҳлавононро аз рӯи натиҷаҳои мусобиқаҳои байналмилалӣ ҷорӣ кунад.
Бояд гуфт, ки Иттиҳоди ҷаҳонии гӯштин (UWW) барои паҳлавононе, ки аз рӯи натиҷаҳои мавсими гузашта ба сегонаи беҳтарини рейтинг шомил шуданд, ҷоизаҳои пулӣ таъсис дод. Маблағи умумии ҷоиза 600 ҳазор долларро ташкил медиҳад. Барои ҷои аввал дар ҳар вазни рейтинги 10 ҳазор доллар, ҷои дуюм — 7 ҳазор ва сеюм — 3 ҳазор доллар ҷоиза пешбинӣ шудааст
Акс: UWW
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
