БА ХОТИРИ ҲИФЗИ ҲАЙВОНОТИ НОДИР. Беш аз 92 тонна ангишт харидорӣ ва ба аҳолии ноҳияи Мурғоб ирсол гардид
ДУШАНБЕ, 13.09.2022 /АМИТ «Ховар»/. Бо мақсади ҳифзу нигаҳдорӣ ва аз фасли зимистон беталаф баровардани ҷонварони нодири кӯҳӣ барои аҳолии ноҳияи Мурғоби Вилояти Мухтори Кӯҳистони Бадахшон 92 тоннаю 500 кг ангишт харидорӣ гардид. Дар ин бора ба АМИТ «Ховар» дар Кумитаи ҳифзи муҳити зисти назди Ҳукумати Ҷумҳурии Тоҷикистон хабар доданд.
Бо мақсади таъмин намудани гармӣ дар хонаҳо ва омода намудани маводи ғизоӣ дар минтақаҳои баландкӯҳ, аз ҷумла дар ноҳияи Мурғоб дар фасли зимистон аҳолии ин минтақаҳо алафҳои кӯҳиеро, ба мисли терескен истифода мебурданд, ки асосан хӯроки ҳайвоноти нодир ба шумор мерафт. Бинобар он ки аҳолӣ солҳои охир аз ин намуди растанӣ зиёд истифода мекард, миқдори он дар кӯҳистон рӯ ба камшавӣ ниҳод ва ҳайвоноти нодир бе ғизо монданд.
Бинобар ин, аз ҷониби Кумитаи ҳифзи муҳити зисти назди Ҳукумати Ҷумҳурии Тоҷикистон бо мақсади ҳифзу нигаҳдорӣ ва аз фасли зимистон беталаф баровардани ҷонварони нодири кӯҳӣ аз ҳисоби маблағҳои махсуси соҳавӣ барои аҳолии ноҳияи Мурғоби Вилояти Мухтори Кӯҳистони Бадахшон 92 тоннаю 500 кг ангишт харидорӣ ва ба ноҳияи мазкур дастрас карда шуд.
Иқдоми мазкур бо ин мақсад ҳамасола роҳандозӣ карда мешавад, то ҳайвоноти нодири кӯҳӣ дар мавзеъҳои мавриди назар рӯ ба афзоиш биёранд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
