Дабири кулли СММ собиқ президенти Қирғизистон Роза Отунбоеваро намояндаи махсус оид ба Афғонистон таъйин кард
ДУШАНБЕ, 07.09.2022 /АМИТ «Ховар»/. Собиқ президенти Қирғизистон Роза Отунбоева рӯзи шанбеи гузашта намояндаи махсуси Дабири кулли СММ ва роҳбари Намояндагии СММ дар Афғонистон таъйин шуд. Тавре АМИТ «Ховар» иттилоъ медиҳад, дар ин бора дафтари матбуоти ин созмони ҷаҳонӣ хабар дод.
«Дабири кулли СММ Антониу Гутерриш имрӯз аз таъйини Роза Отунбоева аз Қирғизистон ба вазифаи намояндаи махсуси ӯ дар Афғонистон ва роҳбари Намояндагии СММ дар Афғонистон хабар дод», — омадааст дар иттилоияи созмон.
Дар ин мақом Отунбоева Дебора Лионсро, ки Дабири кулли СММ ба ӯ «барои хидматаш изҳори сипос кард», иваз намуд.
Дафтари матбуоти СММ таъкид кардааст, ки Отунбоева «дорои таҷрибаи 35-сола дар соҳаи идоракунӣ, дипломатия, фаъолии шаҳрвандӣ ва ҳамкории байналмилалӣ мебошад». Ӯ аз 3 июли соли 2010 то 1 декабри соли 2011 президенти Қирғизистон буд.
Роза Отунбоева 23 августи соли 1950 таваллуд шудааст. Мактаби шаҳри Ӯшро бо медали тилло ва факултаи фалсафаи Донишгоҳи давлатии Москваро хатм кардааст. Дар ҶШС Қирғизистон вазифаҳои ҳизбӣ ва давлатиро ишғол карда, дар Вазорати корҳои хориҷии ИҶШС низ кор намудааст. Пас аз пошхӯрии Иттиҳоди Шӯравӣ ӯ дар Вазорати корҳои хориҷии Қирғизистон вазифаҳои дипломатиро бар уҳда дошт. Ҳамчунин дар вазифаи вазири корҳои хориҷии Қирғизистон ва дар СММ кор кардааст.
АКС аз бойгонӣ
Палатаи поёнии парлумони Беларус дар ҳайати пурра интихоб гардид
Қатар барои шаҳрвандони Тоҷикистон раводидро бекор намуд
Прабово Субианто дар интихоботи президенти Индонезия пирӯз гардид
Директори генералии Созмони ҷаҳонии тандурустӣ Тедрос Аданом Гебрейесус изҳор намуд, ки ҷаҳон ба пандемияи нав омода нест
Александр Стубб дар интихоботи президентии Финландия пирӯз шуд
Дар интихоботи президентии Озарбойҷон Илҳом Алиев бо гирифтани 92,05% овози интихобкунандагон пешсаф мебошад
Теъдоди ҳалокшудагон бар асари сӯхтори ҷангал дар Чили ба 131 нафар расид
Имрӯз дар Озарбойҷон интихоботи ғайринавбатии президентӣ баргузор мешавад
Олжас Бектенов сарвазири нави Қазоқистон таъйин шуд
Дар Озарбойҷон пеш аз баргузории интихоботи президентӣ рӯзи хомӯшӣ эълон гардидааст
Бо сабаби барфи зиёд дар минтақаи Токио 1,8 ҳазор манзил бе барқ мемонанд
ТУРКИЯ ФАЛОКАТИ АСРРО БА ҲАМРАЪЙИИ АСР ТАБДИЛ ДОД. Имрӯз аз заминларзаи шадиди Туркия як сол сипарӣ гардид
