Дар Душанбе 400 адад автобусҳои истеҳсоли муштараки Туркия ва Тоҷикистон ба сокинон хизмат мерасонанд
ДУШАНБЕ, 24.09.2022 /АМИТ «Ховар»/. Дар Душанбе 400 адад автобусҳои истеҳсоли муштараки Туркия ва Тоҷикистон ба сокинон хизмат мерасонанд. Дар ин бора масъули ширкати «AKIA» дар Душанбе Сулаймон Туналӣ дар суҳбат бо агентии «Анадолу» маълумот дод, иттилоъ медиҳад хабарнигори АМИТ «Ховар» Манижа МАҚСУДОВА аз шаҳри Истанбул.
«400 автобуси бо сармоягузории муштараки Туркия ва Тоҷикистон истеҳсолшуда дар Душанбе хидматрасонии дохилишаҳрӣ ба мардум пешкаш менамоянд», — гуфт ӯ.
Сулаймон Туналӣ тазаккур дод, ки соли 2017 ҷониби Туркия барои Тоҷикистон ҳудуди 200 автобус истеҳсол кард ва соли 2018 дар шаҳри Душанбе санги асоси корхона гузошта шуд.
«Дар маросими гузоштани санги асос ва ифтитоҳи он худи Президенти Ҷумҳурии Тоҷикистон муҳтарам Эмомалӣ Раҳмон ширкат варзиданд. Моҳи феврали соли 2019 мо ба истеҳсоли оммавӣ шурӯъ кардем», — ёдовар шуд ӯ.
Ба иттилои номбурда, то имрӯз барои Душанбе дар маҷмуъ 400 автобус, аз ҷумла 200 адад дар Туркия ва 200 тои дигар дар пойтахти Тоҷикистон, истеҳсол карда шудаанд.
Сулаймон Туналӣ бо ишора ба истеҳсоли автобусҳои барқӣ ва троллейбусҳо гуфт, ки бо ҳамсояҳои наздики Тоҷикистон музокира анҷом дода, дар мавриди фурӯши автобусҳо ба онҳо корро идома медиҳанд.
Ӯ зикр кард, ки истеҳсоли автобусҳои фармоишии вилоятҳои Суғду Хатлон, ки рӯзҳои наздик ба анҷом мерасад, идома дорад.
АКС: Агентии Анадолу
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
НАҚШИ РУСТАМИ ЭМОМАЛӢ ДАР ТАШАККУЛИ СИМОИ НАВИ ПОЙТАХТИ ТОҶИКИСТОН. Ба Рӯзи пойтахти Ҷумҳурии Тоҷикистон бахшида мешавад
Пагоҳ дар Душанбе ниммарафони XVI байналмилалӣ баргузор мегардад
ДУШАНБЕ — ШАҲРИ ҲУШМАНД ВА БЕХАТАР. Ба Рӯзи пойтахти Ҷумҳурии Тоҷикистон бахшида мешавад
Рӯзи пойтахти Ҷумҳурии Тоҷикистон – шаҳри Душанбе таҷлил мегардад
