Дар Душанбе низоми пардохти электронии роҳкироро баррасӣ намуданд

Сентябрь 17, 2022 11:28

ДУШАНБЕ, 17.09.2022. /АМИТ «Ховар»/. Ояндаи наздик дар шаҳри Душанбе ҳудуди 80-85 фоизи пардохтҳо на танҳо дар нақлиёти ҷамъиятӣ, балки дар ҳама самтҳо ба таври ғайринақдӣ (бо корт) ба роҳ монда мешавад ва ҳар яки моро зарур аст, ки дар ин самт ташаббус нишон дода, саҳми босазои худро дар амалишавии он гузорем. Ин матлабро муовини Раиси шаҳри Душанбе Умед Гуреззода дар ҷаласаи кормандони соҳаи нақлиёти мусофирбари пойтахт иброз намуд. Дар ин бора АМИТ «Ховар» бо иститнод ба МДК «Душанбенаклиётхадамотрасон» хабар медиҳад.

Зимни ҷаласа ҷараёни иҷрои қарори Раиси шаҳри Душанбе дар бораи амалисозии лоиҳаи «Низоми пардохти электронии роҳкиро ва назорати он дар нақлиёти мусофирбари автомобилии истифодаи умуми шаҳри Душанбе» ва қарори Раиси шаҳри Душанбе «Дар бораи тасдиқ намудани нақшаи чорабиниҳо оид ба тақвияти хизматрасонии нақлиёти мусофиркашонӣ дар шаҳри Душанбе» баррасӣ гардид.

Муовини Раиси шаҳри Душанбе Фирдавс Саидзода иброз намуд, ки амалишавии қарори Раиси шаҳри Душанбе аз 31.07.2017, яъне гузаштан ба низоми пардохти электронии роҳкиро дар ду марҳила, марҳилаи якум дар автобусу троллейбусҳо, ки он алакай амалӣ гардида, мавриди иҷро қарор дорад ва марҳилаи дуюм дар дигар воситаҳои нақлиёти мусофирбар аз қабили воситаҳои нақлиёти микроавтобус ва кироякаш (таксӣ) амалӣ карда мешавад.

Зикр шуд, ки амалишавии низоми пардохти электронӣ, ин пеш аз ҳама, ба шаффофият ва беҳтар ба роҳ мондани сатҳу сифати хизматрасонии нақлиёт дар пойтахт замина мегузорад. Аз ҷониби шахсони масъули ҶСП «Душанбе сити бонк» ба иштирокдорони ҷаласа Пос-терминал (таҷҳизоти тавассути корт пардохткунандаи маблағ) рӯнамоӣ гардида, гуфта шуд, ки Пос-терминалҳое, ки дар нақлиёт насб карда мешаванд, на танҳо корти нақлиётӣ, балки ҳама гуна кортҳои бонкии Тоҷикистонро қабул менамоянд.

Зимни рӯнамоии таҷҳизоти Пос-терминал доир ба уҳдадорӣ ва ҳолати истифодаи он бо роҳбарони корхонаву ширкатҳои нақлиётӣ саволу ҷавоби озод доир гардида, роҳбарони ширкатҳои нақлиётӣ даъват намуданд, ки аз ҷониби масъулини ҶСП «Душанбе сити бонк» вобаста ба ин барнома бо ронандагон дар ҷамъияти нақлиётӣ корҳои фаҳмондадиҳӣ ба роҳ монда шаванд.

АКС: МДК «Душанбенақлиётхадамотрасон»

Сентябрь 17, 2022 11:28

Хабарҳои дигари ин бахш

ДУШАНБЕРО ОЗОДА НИГОҲ МЕДОРЕМ! Дар ҳудуди пойтахт 36 маротиба иқдоми «Тозагии соҳил» ва 29 маротиба «Тозагии маҳал» гузаронида шуд
Бо дастгирии Раиси шаҳри Душанбе мураббиёну омӯзгорони муассисаҳои таълимии пойтахт бо мукофоти пулӣ қадрдонӣ шуданд
Дар Душанбе иҷлосияи Маҷлиси вакилони халқи пойтахт доир гардид
«ДУШАНБЕ-ШАҲРИ ИМКОНОТИ РУШДИ САЙЁҲИИ УСТУВОР». Таҳти чунин унвон Рӯзи ҷаҳонии сайёҳӣ таҷлил гардид
ОСОРХОНАИ ТАЪРИХИИ ШАҲРИ ДУШАНБЕ. Ҳафт калиди тиллоии рамзии он ишора ба ҳафт шаҳри қаламрави имрӯзаи Тоҷикистон аст
Дар Душанбе 400 адад автобусҳои истеҳсоли муштараки Туркия ва Тоҷикистон ба сокинон хизмат мерасонанд
РӮЗИ ЗАБОНИ ДАВЛАТӢ. Дар Душанбе корҳои омодагӣ барои дар сатҳи баланд таҷлил намудани он оғоз шуданд
ТАВАҶҶУҲ! Аз буриши кӯчаи А.Навоӣ то роҳи дусатҳаи хиёбони Н.Махсуми пойтахт ҳаракати ҳама гуна воситаи нақлиёт муваққатан қатъ мегардад
ТАВАҶҶУҲ! Ҳаракати воситаҳои нақлиёт аз канали дериватсионии хиёбони Рӯдакӣ то хиёбони Ҳ. Шерозӣ манъ мегардад
Иҷлосияи ёздаҳуми Маҷлиси вакилони халқи шаҳри Душанбе, даъвати шашум баргузор мешавад
Қарори Раиси шаҳри Душанбе дар бораи даъвати навбатии шаҳрвандони солҳои таваллуди 1995-2004 ба хизмати ҳарбӣ ба тасвиб расид
Сарвари давлат Эмомалӣ Раҳмон ба роҳбарияти шаҳри Душанбе барои бунёдкориҳо дар пойтахт изҳори миннатдорӣ намуданд