Дар Муъминобод бо мақсади пешгирии ҳолатҳои фавқулода машқи тактикӣ гузаронида шуд
МУЪМИНОБОД, 29.09.2022 /АМИТ «Ховар»/. Аз 24 то 27 сентябр бо ибтикори кормандони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо мақсади пешгирии ҳолатҳои фавқулода дар ноҳияи Муъминобод машқи мудофиаи гражданӣ гузаронида шуд, хабар медиҳад мухбири минтақавии АМИТ «Ховар» Сулаймон ХОЛЗОДА.
Дар ҷараёни машқи мазкур дар ҳамаи деҳаҳо ва маркази ноҳия ҳашарҳои дастҷамъона ташкил карда шуда, роҳраву ҷӯйборҳои паҳлӯи роҳҳо ва ҷӯйю сойҳо тоза ва корҳои соҳилбандӣ гузаронида шуданд.
Дар ноҳияи Муъминобод 13 сой мавҷуд аст, ки ба онҳо ҳамасола хатари омадани сел таҳдид менамояд.
Дар машқи тактикӣ сокинони деҳаи Ҳанатарош, ки бар асари шартан омадани сел дар минтақаи хавф қарор доштанд, бо садои бонги хатар ва ҷалби техникаю лавозимоти мавҷуда кӯчонида шуданд. Дар тахлияи аҳолӣ тамоми зерсохтор фаъолияти хуб нишон дода, дар муҳлати кӯтоҳ сокинонро бо нақлиёт таъмин намуда, ба мавзеи бехавф кӯчониданд.
Кумитаи ҳолатҳои фавқулода ва мудофиаи гражданӣ дар ҷои бехавф шаҳрчаи хаймавӣ ташкил намуда, сокинонро дар хаймаҳо ҷо ба ҷо намуд. Ба шахсони аз сел зарардида кумаки тиббӣ расонида шуд. Кормандони Хадамоти давлатии сӯхторнишонӣ дар чанд минтақа оташи сарзадаро хомӯш ва молу амволи шаҳрвандонро аз талафёбӣ наҷот доданд. Чорвои аҳолӣ низ ба ҷои бехавф интиқол дода шуда, байторон ба баъзе ҳайвонҳо ваксина гузарониданд.
Тавре корманди Кумитаи ҳолатҳои фавқулода ва мудофиаи граждании ноҳия Талабшо Назарзода иттилоъ дод, мақсад аз баргузории машқи тактикӣ- ин дар ҳолати омодабош қарор додани мардум ҳангоми омадани сел ва ё дигар офати табиӣ мебошад.
Дар анҷоми машқи мазкур роҳбарияти Кумитаи ҳолатҳои фавқулода ва мудофиаи гражданӣ ва ноҳия ба иштирокчиёни фаъоли машқи тактикӣ сипоснома супориданд.
АКС: АМИТ «Ховар»
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
