ДАРАХТ БИНШОН! Корхонаи воҳиди давлатии ниҳолпарварии Ҳамадонӣ ҳар сол беш аз 100 ҳазор бех ниҳол ба фурӯш мебарорад

Сентябрь 4, 2022 11:17

ҲАМАДОНӢ, 04.09.2022 /АМИТ «Ховар»/. Дар ноҳияи ба номи Мир Саид Алии Ҳамадонӣ Корхонаи воҳиди давлатии ниҳолпарварӣ фаъолият мекунад. Ин хоҷагӣ ҳамасола бо истеҳсоли ниҳолҳои ороишию мевадиҳандаи ба шароити иқлими минтақа мутобиқ на танҳо кишоварзони минтақаи Кӯлоб, балки хоҷагиҳои деҳқонии дигар вилоятҳоро низ таъмин менамояд. Ҳар сол дар хоҷагии мазкур беш аз 100 ҳазор бех ниҳолҳо парвариш ва ба фурӯш бароварда мешаванд. Соли равон дар хоҷагӣ ба парвариши ниҳолҳои интенсивӣ ва серҳосил, ки аз хориҷи мамлакат дастрас намудаанд, шурӯъ карданд.

Роҳбари хоҷагӣ Қосим Латифов ба хабарнигори минтақавии АМИТ «Ховар» Сулаймон ХОЛЗОДА гуфт, ки “саҳмдорони хоҷагии ниҳолпарварӣ дар парвариш ва пайвандкунии ниҳолҳо таҷрибаи калон доранд. Онҳо ниҳолҳоро аз тухмаш шинонида, парвариш мекунанд ва баъди муддати муайян бо истифода аз боғҳои модарӣ ниҳолҳоро пайванд мекунанд”.

Мутахассисон мегӯянд, ки чанд намуди пайвандкунии ниҳолҳо мавҷуд аст ва дар ин хоҷагӣ аз ду намуди он истифода мебаранд. Ниҳолҳо, ки бо ниҳолҳои серҳосили ба шароти иқлими минтақа мутобиқ пайванд карда мешаванд, дар оянда ҳосили хуб ба бор меоранд. Аз ин рӯ харидорони ниҳолҳои ин хоҷагӣ хеле зиёданд.

Саҳмдорон аз ҳар порча замини хоҷагӣ самаранок истифода бурда, барои парвариши ниҳолҳои хушсифат заминҳоро киштгардон ва бо нуриҳои органикию минералӣ коркард менамоянд.

Боймурод Нозимов солҳои зиёд аст, ки дар ин хоҷагӣ кор мекунад ва дар парвариши ниҳолу сабзавот таҷрибаи хуб касб кардааст. Имсол замини дар ихтиёрдоштаашро киштгардон карда, дар як қисмати он сабзавот корид. Дар ин кор ба Боймурод оила ва фарзандонаш кумак мерасонанд. Дар дигар қитъаҳои заминҳои хоҷагӣ аъзои он намудҳои гуногуни сабзавоту полезӣ кишт кардаанд. Нашъунамои мошу лӯбиёгиҳо ва қаламфуру помидор дар баробари ниҳолҳо хуб аст. Имсол бардошти ҳосили фаровонро интизоранд.

Роҳбарияти хоҷагӣ соли равон заминҳои солҳои дароз бекорхобидаро ба гардиши кишоварзӣ баргардонид. Дар як қитъаи он маъсар корида, бо ҷалби техника ба ҷамъоварии ҳосил машғул мебошанд. Дар замини назди идораи хоҷагӣ низ ниҳолҳои гуногуни ороишию сояафкан парвариш менамоянд.

Саҳмдорони хоҷагии ниҳолпарварӣ дар мавсими имсолаи ниҳолшинонӣ мақсад доранд ба кишоварзон беҳтарин навъҳои ниҳолҳои мевадиҳандаю ороишӣ ва барои бунёди боғҳои интенсивӣ пешниҳод намоянд.

АКС: АМИТ «Ховар»

Сентябрь 4, 2022 11:17

Хабарҳои дигари ин бахш

Бо мақсади пешгирӣ аз чангу ғубор дар ноҳияи Шаҳритус дар зиёда аз 200 гектар ниҳоли саксаул шинонида шуд
БА ИСТИҚБОЛИ 30-СОЛАГИИ ИҶЛОСИЯИ ХVI ШӮРОИ ОЛӢ. Дар Боғи фарҳангию фароғатии назди Қасри Арбоб 10 ҳазор бех гулҳои мавсимии ороишӣ шинонида шуданд
Дар ҳудуди Боғи «Истиқлол» зиёда аз 7 ҳазор бех дарахтони ороишӣ ва 70 ҳазор дона гулҳои садбарг шинонида шудаанд
Дар доираи ташаббуси наҷиби Пешвои миллат дар миқёси мамлакат 1,5 миллион бех ниҳол шинонида шуд
Раиси вилояти Суғд аз хоҷагиҳои деҳқонии шаҳри Панҷакент боздид намуд
«Парвариши дарахти муъҷизанок «павловния» дар Тоҷикистон манфиати зиёд дорад», — чунин пешниҳод кардааст рўзноманигори тоҷик ба соҳибкорон
Соҳибкорони вилояти Липетск дар Суғд ниҳол шинониданд
ДАРАХТ БИНШОН! Дар ноҳияи Темурмалик беш аз 500 ниҳолҳои ороишӣ шинонида шуд
Дар Истаравшан дар майдони 40 гектар боғи себ бунёд мегардад
ИҚДОМ БА ЗЕБОИПАРАСТИВУ ОЗОДАГӢ. Дар шаҳри Хоруғ Ҳафтаи гулшинонӣ эълон гардид
ДАРАХТ БИНШОН! Дар Мурғоб 4 ҳазор қаламча ва ниҳоли дарахтони бед, ки ба иқлими баландкӯҳи ноҳия мутобиқанд, шинонда шуданд
ДАРАХТ БИНШОН! Дар мавсими имсола дар Хоруғ зиёда аз 3 ҳазор бех дарахтони босамару ороишӣ шинонида мешаванд