ФАВРӢ! Карл III имрӯз Подшоҳи Британияи Кабир эълон мешавад

Сентябрь 9, 2022 12:15

ДУШАНБЕ, 09.09.2022 /АМИТ «Ховар»/. Маросими расмие, ки зимни он шоҳ Карл III ҳамчун Подшоҳи нави Британия эълон мегардад, имрӯз, 9 сентябр баргузор мешавад. Тавре АМИТ «Ховар» иттилоъ медиҳад, дар ин бора рӯзномаи «The Times» хабар дод.

«Фардо дар қасри Сент Ҷеймс Чарлз расман волии нав эълон карда мешавад. Ӯ зери номи Карл III ҳукмронӣ хоҳад кард», — менависад рӯзнома.

Қаблан иттилоъ расид, ки писари маликаи Британия Елизаветаи II, ки 8 сентябр аз олам даргузашт, тасмим гирифт, ки бо номи Карл III ба тахт нишинад.

Рӯзномаи «The Times» ҳамчунин хабар дод, ки шоҳ ва ҳамсараш Камилла, ки ҳамсари малика шуд, дар қалъаи шотландӣ дар Балморал, ки он ҷо Елизаветаи II даргузашт, меистанд ва 9 сентябр ба Лондон бармегарданд.

Елизаветаи II дар синни 96 даргузашт. «Малика нисфирӯзии имрӯз дар Балморал даргузашт», — гутфанд дар Қасри Букингем. Ҳамаи фарзандони ӯ имрӯз барои видоъ бо Малика ба Балморал омаданд.

Дар ин лаҳзаҳо садҳо нафар дар назди Қасри Букингем ҷамъ омадаанд. Мардум мотам доранд ва бисёриҳо бо гул омадаанд. Издиҳом суруди «Худо маликаро/подшоҳро дар паноҳат нигоҳ дор» месароянд.

Дар робита ба даргузашти Елизаветаи II мотами 10-рӯза эълон шудааст. Аз 8 сентябр то маросими дафни Малика парчамҳо дар болои биноҳои ҳукумати Британия нимафрохта мешаванд.

АКС: nytimes.com

Сентябрь 9, 2022 12:15

Хабарҳои дигари ин бахш

Дар пасманзари буҳрони энергетикӣ Аврупоро зимистони сахт интизор аст
Дар пайи эътирозҳо дар Эрон 83 нафар ҳалок шуданд
Подшоҳи Британия Карли III расман сарвари давлатҳои Австралия, Канада ва Зеландияи Нав шуд
Малика Елизаветаи II даргузашт
Дабири кулли СММ собиқ президенти Қирғизистон Роза Отунбоеваро намояндаи махсус оид ба Афғонистон таъйин кард
Лиз Трасс дар мақоми Сарвазири Британияи Кабир ба кор оғоз намуд
Дар Чин бар асари заминларза беш аз 40 нафар ба ҳалокат расиданд
Лиз Трасс Сарвазири нави Британияи Кабир гардид
СММ: Бинобар обхезӣ дар Покистон 33 миллион нафар зарар дидаанд
Сатҳи гирифторӣ ба COVID-19 дар як ҳафта дар тамоми минтақаҳои ҷаҳон коҳиш ёфт
Қосим-Жомарт Токаев пешниҳод намуд, ки интихоботи пеш аз муҳлати президентӣ дар Қазоқистон тирамоҳ баргузор шавад
Анҷумани XX Ҳизби коммунистии Чин 16 октябр ифтитоҳ меёбад