Имсол дар минтақаҳои озоди иқтисодии Тоҷикистон ба маблағи беш аз 200 миллион сомонӣ маҳсулот истеҳсол шудааст
ДУШАНБЕ, 01.09.2022 /АМИТ «Ховар»/. Аз оғози соли 2022 дар минтақаҳои озоди иқтисодии /МОИ/ Тоҷикистон ба маблағи 243 миллион сомонӣ (қариб 24 миллион доллар) маҳсулот истеҳсол шудааст. Дар ин бора АМИТ «Ховар» бо истинод ба Вазорати рушди иқтисод ва савдои Ҷумҳурии Тоҷикистон иттилоъ медиҳад.
Дар моҳҳои январ ва июли соли равон аз панҷ Минтақаи озоди иқтисодии кишвар дар ду Минтақаи озоди иқтисодӣ –«Суғд» ва «Данғара» маҳсулот истеҳсол гардида, тамоми маблағҳо аз ҳисоби фаъолияти субъектҳои минтақаҳои озоди иқтисодии «Суғд» ва «Данғара» ба даст омадаанд.
Дар Минтақаи озоди иқтисодии ҷануби кишвар- «Данғара» 11 субъект фаъолият дошта, дар ин давра ба маблағи беш аз 34,4 миллион сомонӣ (3,3 миллион доллар) маҳсулот истеҳсол гардидааст.
Дар Минтақаи озоди иқтисодии «Суғд» 13 корхона дар зарфи 7 моҳ аз ҳама зиёд, ба маблағи 208,5 миллион сомонӣ (20,5 миллион доллар) маҳсулот истеҳсол намудаанд.
Дар дигар субъектҳои минтақаҳои озоди иқтисодии ҷумҳурӣ, назири «Ишкошим», «Панҷ» ва «Кӯлоб» маҳсулот истеҳсол нагардидааст.
“МОИ «Суғд» ва «Панҷ» соли 2008, МОИ «Данғара» ва «Ишкошим» соли 2009 ва МОИ «Кӯлоб» соли 2019 таъсис дода шудаанд. Фаъолияти МОИ дар кишвар аз соли 2010 оғоз гардидааст ва алҳол дар онҳо 86 субъект ба қайд гирифта шудаанд. Ҳаҷми умумии сармоягузориҳо аз оғози фаъолияти МОИ кишвар -аз соли 2010 инҷониб 2 миллиарду 116,4 миллион сомониро ташкил медиҳад”, иттилоъ медиҳад Вазорати рушди иқтисод ва савдои кишвар.
Марзия САИДЗОДА,
АМИТ «Ховар»
АКС аз манбаъҳои боз
«Стратегияи миллии гуногунии биологии Ҷумҳурии Тоҷикистон барои соли 2030» баррасӣ гардид
«DIGITAL TAJIKISTAN 2026». Моҳи ноябр дар Душанбе форуми байналмилалӣ доир мешавад
Оид ба татбиқи Конвенсияи Созмони Милали Муттаҳид бар зидди коррупсия дар Ҷумҳурии Тоҷикистон вохӯрӣ доир шуд
Дар Бохтар Форуми байналмилалии сармоягузории «Хатлон Инвест – 2026» баргузор мешавад
Ҷамшед Нурмаҳмадзода: «Омори боэътимод заминаи муҳими банақшагирӣ, пешрафт ва қабули қарорҳои дуруст ба манфиати ҷомеа аст»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
