Имсол дар вилояти Хатлон зиёда аз 92 ҳазор нафар хонандагон ба синфи якум қабул гардиданд
ДУШАНБЕ, 01.09.2022 /АМИТ «Ховар»/. Имсол зиёда аз 92 ҳазор хонанда бори аввал ба муассисаҳои таҳсилоти миёнаи умумии вилояти Хатлон қадам ниҳоданд, иттилоъ дод ба АМИТ «Ховар» сардори Раёсати маорифи вилояти Хатлон Ғазалшоҳ Сафарзода.
Рӯзи дониш ва Дарси сулҳ дар тамоми муассисаҳои таълимии вилояти Хатлон чун анъана бо Суруди миллӣ ва тамошои дастҷамъонаи суханронии Сарвари давлат аз ҷониби хонандагону омӯзгорон оғоз гардид.
Имрӯз ҳамчунин дар Муассисаи ғайридавлатии таълимии «Мактаби хусусии инноватсионӣ» бо иштироки Раиси вилояти Хатлон Қурбон Ҳакимзода, Раиси шаҳри Бохтар Сиҷоуддин Саломзода, кормандони соҳаи маориф, устодон ва хонандагон ҷамъомад доир шуд. Зимни он ҳозирин суханронии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро бахшида ба Рӯзи дониш ва ифтитоҳи бинои асосии Донишгоҳи давлатии тиббии Тоҷикистон, ки мустақиман тавассути ҳамаи шабакаҳои телевизионӣ ва радиоӣ пахш гардид, тамошо намуданд.
Ба гуфти Ғазалшоҳ Сафарзода, дар соли нави таҳсили 2022-2023 дар Хатлон 21 муассисаи нав ба истифода дода мешавад. Имсол дар вилоят 50 муассисаи таҳсилоти олӣ, миёна ва ибтидоии касбӣ, беш аз 1365 адад муассисаи таҳсилоти умумӣ, 1000 адад муассисаи томактабию марказҳои инкишофи кӯдак фаъолият менамоянд.
Ҳамчунин зикр шуд, ки дар соли нави таҳсил дар вилоят 50 ҳазор нафар олимон, омӯзгорон, мураббиён ва устоҳои таълимӣ-истеҳсолӣ фаъолият менамоянд.
Мавсуф зикр намуд, ки мақомоти иҷроияи ҳокимияти давлатии вилояти Хатлон баҳри иҷрои дастуру ҳидоятҳои сарнавиштсози Пешвои миллат барои таъмини рушди бонизому сифатноки соҳаҳои илму маориф дар вилоят ва шаҳру ноҳияҳо пайваста тадбирҳои ҳадафманд роҳандозӣ менамояд.
АКС аз шуъбаи иттилоотӣ ва таҳлилии дастгоҳи Раиси вилояти Хатлон
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
