Коршинос: Соли 2023 на танҳо дар Тоҷикистон, балки дар дигар кишварҳои ИДМ низ Соли забони русӣ эълон шудааст
ДУШАНБЕ, 12.09.2022 /АМИТ «Ховар»/. Чанде қабл бархе аз воситаҳои ахбори омма хабар доданд, ки Президенти Ҷумҳурии Тоҷикистон Эмомалӣ Раҳмон соли 2023-ро дар Тоҷикистон Соли забони русӣ эълон кардаанд. «Дар тавзеҳи гуфтаҳои Сарвари давлати Тоҷикистон ба баъзе иштибоҳҳо роҳ дода шудааст», — гуфт дар мусоҳиба бо АМИТ «Ховар» коршиноси мо, муовини Директори Пажӯҳишгоҳи фалсафа, сиёсатшиносӣ ва ҳуқуқи ба номи А.Баҳовадинови Академияи миллии илмҳои Тоҷикистон, доктори илмҳои фалсафа Рустам Ҳайдаров. Ба гуфтаи ӯ, на танҳо дар Тоҷикистон, балки дар саросари ИДМ Соли забони русӣ ҳамчун забони муоширати байни миллатҳо эълон шуда, дар ин бора қарори дахлдори сарони тамоми кишварҳои узви Иттиҳод қабул гардидааст.
Қобили зикр аст, ки Президенти Ҷумҳурии Тоҷикистон Эмомалӣ Раҳмон 1 сентябр зимни маросими ифтитоҳи 5 мактаби миёнаи раванди таҳсилашон ба забони русӣ дар Тоҷикистон, ки тавассути пайванди видеоӣ сурат гирифт, чунин баён доштанд:
«Тавре маълум аст, дар Конститутсияи Ҷумҳурии Тоҷикистон ба забони русӣ мақоми забони муоширати байни миллатҳо дода шудааст. Ду сол қабл дар доираи Шӯрои сарони давлатҳои Иттиҳоди Давлатҳои Мустақил тасмим гирифта шуд, ки соли 2023 Соли забони русӣ эълон гардад. Дар ин замина мо ба мувофиқа расидем, ки барои дастгирӣ ва инкишофи забони русӣ дар кишварҳои Иттиҳод, аз ҷумла дар Тоҷикистон тадбирҳои иловагӣ андешида шаванд.
Дар маҷмӯъ, мехоҳам зикр намоям, ки Точикистон ба инкишофи минбаъдаи тамоми маҷмӯи робитаҳои фарҳангию гуманитарӣ бо Русия манфиатдор мебошад. Дар робита ба ин, Ҳукумати Тоҷикистон мақсад дорад, ки барои тавсеаи ҳамкории муассисаҳои таълимӣ, илмӣ ва тадқиқотии ду кишвар, аз ҷумла дар самти омода кардани кадрҳои илмию омӯзгорӣ чораҳои зарурӣ андешад».
Ёдовар мешавем, ки қарори Шӯрои сарони кишварҳои узви ИДМ дар бораи эълон кардани соли 2023 — Соли забони русӣ ҳамчун забони муошират миёни миллатҳо 18 декабри соли 2020 қабул шуда буд.
АКС: АМИТ «Ховар
Қабули ҳуҷҷатҳо барои соли таҳсил дар муассисаҳои таҳсилоти олии касбии Ҷумҳурии Корея оғоз гардид
ҲУКУМАТИ ЭЛЕКТРОНӢ. Барномаи иттилоотии «Kudak.tj» барои муассисаҳои томактабии шаҳри Душанбе рунамоӣ гардид
Дар Донишгоҳи давлатии Хоруғ Маркази зеҳни сунъӣ ба фаъолият оғоз намуд
Дар Душанбе ғолибони якчанд озмунҳои ҷумҳуриявӣ қадрдонӣ гардиданд
Дар Донишгоҳи давлатии Бохтар доир ба масъалаҳои таълими забонҳои русӣ ва англисӣ конференсия баргузор гардид
35-СОЛАГИИ ИСТИҚЛОЛИ ДАВЛАТӢ. Дар деҳаҳои Обигарм, Себистон ва Лолагии шаҳри Ҳисор кӯдакистону муассисаҳои таълимӣ бунёд мегарданд
Дар мавзуи «Рушди илми тоҷик дар шароити муосир: инноватсия ва рақамикунонӣ» конференсияи илмӣ доир шуд
«ИЛМ — ФУРӮҒИ МАЪРИФАТ». Дар Донишгоҳи байналмилалии забонҳои хориҷии Тоҷикистон даври донишгоҳии озмун оғоз шуд
Доир ба иҷрои барномаҳои давлатии соҳаи маориф дар ноҳияи Рашт ҷаласа баргузор гардид
Маркази «Ганҷинаи ҳунаристони маърифат ва фарҳанги миллӣ» ба фаъолият оғоз намуд
ФАРЗАНДОНРО АЗ ТАҲСИЛ МАҲРУМ НАКУНЕД! Дар Душанбе беш аз 40 ҳолати монеъ шудан ба таҳсил ошкор карда шуд
Дар Хуҷанд сохтмони бинои иловагии гимназияи рақами№4 оғоз гардид
