Лиз Трасс дар мақоми Сарвазири Британияи Кабир ба кор оғоз намуд

Сентябрь 7, 2022 10:51

ДУШАНБЕ, 07.09.2022 /АМИТ «Ховар»/. Роҳбари ҳизби консервативӣ Лиз Трасс дар мақоми сарвазири Британияи Кабир ба кор шурӯъ намуд, хабар медиҳад Sky News. Қасри Букингем акси сиёсатмадори 47-соларо зимни маросими қабул бо малика Елизавета II нашр кард, ки рӯзи сешанбе дар қалъаи Балморал дар Шотландия баргузор гардидааст.

Лиз Трасс Сарвазири Британияи Кабир замоне таъйин шуд, ки малика расман аз ӯ дархост кард, то ҳукумати нав таъсис диҳад,-иттилоъ медиҳад агентӣ.

Елизаветаи II қаблан истеъфои сарвазири собиқ Борис Ҷонсонро пазируфт, ки барои қабули расмӣ ба назди ӯ омада буд. Ҷонсон субҳи барвақт дар Даунинг Стрит бо сухани хайрбодӣ баромад намуд.

5 сентябр Трасс Сарвазири нави Британия интихоб шуд. Аксарияти аъзои Ҳизби консервативӣ ба ҷонибдории номзадии ӯ овоз доданд. Трасс баъд аз Маргарет Тэтчер ва Тереза ​​Мэй сеюмин сарвазири зан дар ин кишвар хоҳад шуд. Дар суханронии худ пас аз интихоб шуданаш сиёсатмадор ба собиқ раиси Девони вазирон барои татбиқи Brexit, пирӯзӣ бар Ҳизби лейбористӣ ва роҳбари собиқи он Ҷереми Корбин, мубориза бо коронавирус ва ҳамчунин барои вокуниш ба сиёсати хориҷии Русия изҳори миннатдорӣ намуд.

Қаблан Трасс ҳамчунин ваъда дода буд, ки дар сурати интихоб шуданаш дар ҳафтаи аввали сарвазирӣ амалҳо вобаста ба нархи неруи барқро пешниҳод мекунад. Вай зарурати «қабули қарорҳои қатъӣ»-ро таъкид намуд.

ДАР АКС: Лиз Трасс дар қабули малика Елизавета II. Акс: Jane Barlow/AP

Сентябрь 7, 2022 10:51

Хабарҳои дигари ин бахш

Созмони ҷаҳонии метеорологӣ: бо норасоии об дар оянда зиёда аз панҷ миллиард нафар сокинони сайёра рӯбарӯ хоҳанд шуд
Мақомоти Чин аз пиронсолон даъват менамояд, ки бар зидди COVID-19 ваксина бигиранд
Дар Синтзян бар асари сармо 7 нафар ҳалок шудаанд
Мақомоти Ҷопон вазъи буҳронии сатҳи таваллуд дар кишварро дар соли 2022 эълон доштанд
Бар асари лағжиши ярч дар яке аз ҷазираҳои Италия беш аз даҳ нафар бедарак шудаанд
Ҳиндустон қоидаҳои нави вуруди шаҳрвандони хориҷиро ҷорӣ намуд
Хадамоти изтирории Арабистони Саудӣ пайомадҳои обхезии шадидро бартараф мекунад
Имрӯз маросими савгандёдкунии Президенти Қазоқистон Қосим-Жомарт Токаев баргузор мешавад
Дар Қирғизистон бинои парлумон оташ гирифт
Беш аз 6 миллион нафар дар Украина бе барқ монданд
Дабири кулли СММ бар он назар аст, ки ҷомеаи ҷаҳонӣ дар буҳрон қарор дорад
Наташа Пиртс-Мусар дар интихоботи президентии Словения пас аз шумориши садфоизаи овозҳо пирӯз гардид