МАҲКУМИЯТИ 10-СОЛА БАРОИ САРКАШӢ АЗ ХИЗМАТИ ҲАРБӢ. Думаи давлатии Федератсияи Россия ба ҷазо барои ҷиноят дар замони ҷанг тағйирот ворид намуд

ДУШАНБЕ, 21.09.2022 /АМИТ «Ховар»/. Думаи давлатии Россия 19 сентябр ислоҳоте ворид намуд, ки муҷозот барои ҷиноят дар замони ҷангро шадидтар мекунанд. Тавре АМИТ «Ховар» хабар медиҳад, матни тағйирот дар сомонаи палатаи поёнии Россия нашр гардидааст.

Думаи давлатӣ фавран дар хониши дуюм ва сеюм бо як овоз лоиҳаи қонун дар бораи маҳрумият аз озодӣ ба муҳлати то 10 сол барои супоридан ба асорати ихтиёрӣ ва то 15 сол барои ғоратгарӣ дар замони ҷангро қабул кард.

Ҳамчунин пешниҳод шудааст, ки ба Кодекси ҷиноии Федератсияи Россия мафҳумҳое, аз қабили «ҳолати низомӣ», «сафарбарӣ», «замони ҷанг» ва «даргириҳои мусаллаҳона» ворид карда шаванд.

Бино ба ташаббуси вакилон, инчунин пешниҳод шудааст, ки барои саркашӣ аз иштирок дар амалиёти ҷангӣ зиндонӣ карда шаванд. Бо пешниҳоди вакилон, масъулияти ҳадди баланд барои ин амал то се соли ҳабсро пешбинӣ мекунад.

Илова бар ин, дар ин тағйирот омадааст, ки барои ҳозир нашудан ба хизмати ҳарбӣ ҳангоми даъват ё фирор аз хизмати ҳарбӣ ҷазо дар намуди то 10 сол маҳрум сохтан аз озодӣ дар назар аст.

Муайян карда мешавад, ки ислоҳотро вакилони тамоми фраксияҳои Дума омода кардаанд.

АКС аз бойгонӣ