Малика Елизаветаи II даргузашт

Сентябрь 9, 2022 10:15

ДУШАНБЕ, 09.09.2022 /АМИТ «Ховар» /. Маликаи Британияи Кабир Елизавета II дар синни 97 аз олам даргузашт. Тавре АМИТ «Ховар» иттилоъ медиҳад, дар ин бора дар Қасри Букингем хабар доданд. «Малика нисфирӯзии имрӯз дар қалъаи Балморал даргузашт», — гуфта мешавад дар изҳорот.

Малика Елизаветаи II дар маҷмааи ёдгорӣ — калисои падараш шоҳ Георги VI ба хок супурда мешавад. Маҷмаа дар майдони қалъаи Виндзор ҷойгир аст.

Дар Қасри Букингем рӯзи панҷшанбе, 8 сентябр изҳор доштанд, ки табибон аз вазъи саломатии Елизаветаи II нигарон ҳастанд ва тавсия доданд, ки ӯ таҳти назорати тиббӣ бошад. Баъдан ҳамаи фарзандонаш ба назди малика омаданд.

Елизаветаи II — духтари калонии шоҳ Георги VI ва хонум Елизавета Боуз-Лайон — 21 апрели соли 1926 дар Лондон ба дунё омадааст. Соли 1936 баъди ба тахт нишастани падараш Елизавета вориси тоҷи Британия шуд.

Соли 1952 баъд аз марги падараш Елизаветаи II маликаи Шоҳигарии Муттаҳидаи Британияи Кабир ва Ирландияи Шимолӣ, ҳокими 15 подшоҳии Иттиҳод ва роҳбари худи Иттиҳод, сардори калисои Англикан ва сарфармондеҳи олии қувваҳои мусаллаҳ гардид. Тибқи тартиби вориси тахти Британия, роҳбари навбатии Британияи Кабир писари ӯ Чарлз, шоҳзодаи Уэлс хоҳад буд. Ӯ имсол 74-сола мешавад.

АКС аз манбаъҳои боз

Сентябрь 9, 2022 10:15

Хабарҳои дигари ин бахш

Палатаи поёнии парлумони Беларус дар ҳайати пурра интихоб гардид
Қатар барои шаҳрвандони Тоҷикистон раводидро бекор намуд
Прабово Субианто дар интихоботи президенти Индонезия пирӯз гардид
Директори генералии Созмони ҷаҳонии тандурустӣ Тедрос Аданом Гебрейесус изҳор намуд, ки ҷаҳон ба пандемияи нав омода нест
Александр Стубб дар интихоботи президентии Финландия пирӯз шуд
Дар интихоботи президентии Озарбойҷон Илҳом Алиев бо гирифтани 92,05% овози интихобкунандагон пешсаф мебошад
Теъдоди ҳалокшудагон бар асари сӯхтори ҷангал дар Чили ба 131 нафар расид
Имрӯз дар Озарбойҷон интихоботи ғайринавбатии президентӣ баргузор мешавад
Олжас Бектенов сарвазири нави Қазоқистон таъйин шуд
Дар Озарбойҷон пеш аз баргузории интихоботи президентӣ рӯзи хомӯшӣ эълон гардидааст
Бо сабаби барфи зиёд дар минтақаи Токио 1,8 ҳазор манзил бе барқ мемонанд
ТУРКИЯ ФАЛОКАТИ АСРРО БА ҲАМРАЪЙИИ АСР ТАБДИЛ ДОД. Имрӯз аз заминларзаи шадиди Туркия як сол сипарӣ гардид