Муассисаҳои таълимии ноҳияи Мастчоҳ бо мизу курсиҳои нав таъмин шуданд
ДУШАНБЕ, 03.09.2022 /АМИТ «Ховар»/. Ба муассисаҳои таълимии ноҳияи Мастчоҳ бо дастгирии Раиси вилояти Суғд боз барои 800 ҷойи нишаст мизу курсии нав дастрас карда шуд, хабар медиҳад АМИТ «Ховар» бо истинод ба маркази матбуоти Раиси ноҳия Мастчоҳ.
Чанде пеш дар доираи дастгириҳои раиси вилоят барои 1600 ҷойи нишаст мизу курсӣ дастраси муассисаи таълимии ноҳия гардида буд.
Раиси ноҳияи Мастчоҳ Аъзам Ализода ба масъулини шуъбаи маорифи ноҳия дастур дод, ки дар навбати аввал он муассисаҳои таълимиеро, ки ба мирзу курсӣ эҳтиёҷи бештар доранд, таъмин намоянд.
Бо ибтикори раиси ноҳия ва дастгириҳои шахсони саховатпеша, соҳибкорони маҳаллӣ ва дигар афроди хайрхоҳ барои харидории беш аз 11 ҳазор адад шифер барои болопӯши муассисаҳои таълимии ноҳия ва таҷҳизоти муосири хониш, аз ҷумла тахтаи электронӣ, проекторҳои мултимедиявӣ ва компютерҳо кор бурда шуда истодааст, ки рӯзҳои наздик тақсими онҳо низ оғоз мешавад.
Дар ноҳияи Мастчоҳ феълан 48 муассисаи таълимии миёнаи умумӣ ва 13 кӯдакистон фаъолият мекунанд, ки дар онҳо 27 ҳазору 402 нафар ба таълиму тарбия фаро гирифта шудаанд ва 1860 омӯзгор ба онҳо дарс мегӯянд.
АКС: Дафтари матбуоти Раиси ноҳия Мастчоҳ
Таомҳои тоҷикӣ дар шаҳрҳои Федератсияи Русия ба таври шоиста муаррифӣ мегарданд
Имрӯз дар Тоҷикистон ҳавои камабри бебориш пешгӯӣ мешавад
Дар Ҳисор ҳамоиши минтақавии раисони шуроҳои ҷангу меҳнати шаҳру ноҳияҳои тобеи ҷумҳурӣ доир шуд
Имрӯз дар ноҳияҳои алоҳидаи Тоҷикистон туман мефарояд
«АСРИ ЗАРРИН»-И ТАЪРИХИ ТОҶИКОН. Замони давлатдории Сомониёнро муҳаққиқони илми таърих чунин ном гузоштаанд
Зуд, мувофиқ, осон: чат-боти «Доно» ба муштариён чӣ тавр кумак мерасонад
Дар Панҷакент филиали Муассисаи давлатии «Ташаккул ва рушди соҳибкории Тоҷикистон» ифтитоҳ гардид
Имрӯз дар Тоҷикистон ҳавои камабри бебориш пешгӯӣ мешавад
СОЛИ ОБОДКОРИЮ СОЗАНДАГӢ. Мактаб-интернати ятимон ва бепарасторони ноҳияи Муъминобод таъмир карда мешавад
Дар шаҳри Бӯстон барои баланд бардоштани сифати таҳсил ҳамоиш баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
ИСТИФОДАИ САМАРАНОКИ ЗАМИН. Дар заминҳои кишоварзӣ яхҷуфт идома дорад
