«ҶОН БА РАҲИ ВАТАН НИСОР, МАН НАКУНАМ, КӢ МЕКУНАД?». Дар Вазорати мудофиа ҷаласаи комиссияи даъвати ҷумҳуриявӣ доир шуд

Сентябрь 22, 2022 11:00

ДУШАНБЕ, 22.09.2022 /АМИТ «Ховар»/. Дар Вазорати мудофиаи Ҷумҳурии Тоҷикистон бо иштироки муовини Сарвазири мамлакат-Раиси комиссияи даъвати ҷумҳуриявӣ Матлубахон Сатториён, намояндаи Дастгоҳи иҷроияи Президенти Ҷумҳурии Тоҷикистон, сардорони раёсату хадамоти дахлдори Вазорати мудофиа ва Ситоди генералӣ, сарпрокурори ҳарбӣ, намояндагони вазорату идораҳои дахлдор ва дигар масъулини мақомоти давлатии даъват ҷаласаи комиссияи даъвати ҷумҳуриявӣ доир гардид.

Тавре ба АМИТ «Ховар» дар вазорати мазкур хабар доданд, ҷаласа вобаста ба татбиқи амалии фармони Президенти Ҷумҳурии Тоҷикистон муҳтарам Эмомалӣ Раҳмон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1995-2004-и Ҷумҳурии Тоҷикистон ба хизмати ҳарбӣ» доир гашт.

Зимни баргузории ҷамъомади мазкур иштирокчиёни он вобаста ба иҷрои дастуру супоришҳои Пешвои миллат муҳтарам Эмомалӣ Раҳмон дар самти мудофиаи давлат ва чорабиниҳо оид ба ташкил ва иҷрои босифати даъвати тирамоҳии шаҳрвандон ба хизмати ҳарбӣ якчанд масъалаҳоро мавриди таҳлилу баррасии ҳамаҷониба қарор доданд.

Ҳамзамон дар ҷаласа даъвати баҳории соли равон мавриди таҳлилу натиҷагирӣ қарор гирифта, вобаста ба монеаву мушкилоти ҷойдошта дар фаъолияти баъзе мақомоти масъули даъвати шаҳру ноҳияҳо изҳори нигаронӣ карда шуд. Аз ин рӯ, бо мақсади роҳ надодан ба камбудиҳо ва ҷиҳати сифатан хуб ба роҳ мондани даъвати навбатии шаҳрвандон ба хизмати ҳарбӣ таъкид карда шуд, ки дар ҳамаи шаҳру ноҳияҳои ҷумҳурӣ чорабиниҳои пешаздаъватӣ оид ба омӯзиши шахсияти даъватшавандагон ва ташкили босамари кори комиссияҳои даъватӣ дар сатҳи баланд ва мувофиқ ба меъёрҳои қонунҳои амалкунандаи соҳа роҳандозӣ карда шаванд, то беҳтаринҳо ва пеш аз ҳама, нафарони рӯҳану ҷисман солим ба хизмати ҳатмии ҳарбӣ даъват карда шаванд.

Хамин тавр, дар қисмати охири ҷамъомад иштирокчёни он ҷиҳати дар сатҳи баланд ва муташаккилона гузаронидани ин чорабинии муҳими сиёсӣ-ҷамъиятӣ бо супоришҳои мушаххас вазифадор гардиданд.

Дар ин замина чанде пеш дар Сарпрокуратураи ҳарбии Ҷумҳурии Тоҷикистон бо иштироки роҳбарони масъули сохторҳои ҳарбӣ, мақомоти вобастаи маъракаи давлатии даъват, комиссарони ҳарбӣ ва дигар масъулони ҷузъу томи низомӣ доир ба иҷрои талаботи қонуну санадҳои амалкунанда дар самти даъвати шаҳрвандон ба хизмати ҳарбӣ ҷаласаи васеи ҳайати мушовара баргузор гардид.

Дар ҷаласа зикр карда шуд, ки комиссияҳои даъватӣ, комиссариатҳои ҳарбӣ ва дигар мақомоти масъули даъватро зарур аст, ки ҳамкориро дар сатҳи мувофиқ ба талаботи қонунгузорӣ дар соҳаи низомӣ ба роҳ монда, бо дарки баланди масъулият ин маъракаи муҳими сиёсӣ ва дорои аҳамияти мудофиавиро дар муҳлати муайянгардида ва бо сифати баланд иҷро намоянд.

Зимнан, прокуророни ҳарбии гарнизонҳои ҷумҳурӣ таъкид карда шуданд, ки назорати риояи дақиқ ва иҷрои якхелаи Қонуни Ҷумҳурии Тоҷикистон «Дар бораи уҳдадории ҳарбӣ ва хизмати ҳарбӣ»- ро дар кори комиссияҳои даъват ва комиссариатҳои ҳарбӣ боз ҳам пурзӯр намуда, баҳри пешгирию бартараф кардан ва минбаъд роҳ надодан ба қонунвайронкуниҳо қарорҳои дахлдор қабул намоянд.

Дар охири ҷаласа ҷиҳати дар сатҳи зарурӣ ташкилу ба роҳ мондани даъвати тирамоҳии шаҳрвандон ба хизмати ҳарбӣ роҳбарони сохторҳои низомӣ, мақомоти вобастаи даъват ва дигар масъулин бо супоришҳои мушаххас вазифадор гардиданд.

АКС: АМИТ «Ховар»

Сентябрь 22, 2022 11:00

Хабарҳои дигари ин бахш

Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»