Р. Т. Эрдоган: Дар Туркия яке аз роҳбарони «Давлати исломӣ»* дастгир гардид

ДУШАНБЕ, 12.09.2022 /АМИТ «Ховар»/. Неруҳои амниятии Туркия яке аз роҳбарони созмони террористии «Давлати исломӣ» /ДИ/*-ро дастгир карданд. Дар ин бора рӯзи панҷшанбе, 8 сентябр Президенти Туркия Реҷеп Тайип Эрдоган изҳор дошт, хабар медиҳад АИ «Синхуа».

Полис ва хадамоти иктишофии Туркия Башор Хаттоб Ғазал ал-Сумайдаӣ, маъруф ба Абу Зайдро дастгир карданд, хабар медиҳад агентии нимарасмии Анадолу.

«Дар ҳисоботи байналмилалӣ ва маърӯзаи Шӯрои Амнияти Созмони Милали Муттаҳид ҳамчунин маълумот мавҷуд буд, ки ин террорист яке аз роҳбарони аршади созмони террористии ДИ будааст». Ҳангоми бозпурсӣ дастгиршуда изҳор дошт, ки ӯ дар ба ном вазоратҳои маориф ва адлия ба ном «қозӣ» буд», — иттилоъ дод Р.Т. Эрдоган ба хабарнигорон дар дохили ҳавопаймоаш ҳангоми бозгашт аз Хорватия.

Ба гуфтаи ӯ, пас аз Абубакр ал-Бағдодӣ ва Абдулносир Кардаш Абу Зайдӣ дастгиршуда аз муҳимтарин роҳбарони ДИ* маҳсуб меёфт.

__________________

* Созмони террористие, ки дар Тоҷикистон мамнуъ аст

АКС аз манбаъҳои боз