Суди олии ФР ҳафтаи равон даъвои Прокуратураи генералии Русияро дар бораи террористӣ эътироф намудани ҲНИТ* баррасӣ мекунад
ДУШАНБЕ, 12.09.2022 /АМИТ «Ховар»/. Суди олии Федератсияи Русия мурофиаи судии даъвои Прокуратураи генералии Русияро дар бораи ташкилоти террористӣ эътироф намудани «Ҳизби наҳзати исломии Тоҷикистон»* (ҲНИТ) 14 сентябр таъйин кард. Тавре АМИТ «Ховар» иттилоъ медиҳад, дар ин бора ба Агентии иттилооти ҳуқуқӣ ва судии Русия дар хадамоти матбуоти суд хабар додаанд.
Мурофиа паси дарҳои баста баргузор мегардад.
Ёдовар мешавем, ки қаблан Прокурори генералии Федератсияи Русия Игор Краснов хабар дода буд, ки ниҳоди зертобеъаш барои террористӣ эътироф намудани ҲНИТ* ба суд даъво пешниҳод кардааст.
25 июли соли 2022 Игор Краснов бо сафари корӣ ба Тоҷикистон омада буд. «Ба маълумоти ҳамтоям (Прокурори генералии Тоҷикистон – АМИТ «Ховар») мерасонам, ки дархости ӯ дар бораи террористӣ эътироф намудани баъзе ташкилот дар Русия баррасӣ шуд. Мо аллакай нисбат ба ҲНИТ* ба суд даъвои дахлдор пешниҳод кардем», — гуфт ӯ.
Суди Олии Тоҷикистон соли 2015 бо даъвои Прокуратураи генералии Ҷумҳурии Тоҷикистон Ҳизби наҳзати исломиро террористию экстремистӣ эътироф намуда, фаъолияти онро дар қаламрави ҷумҳурӣ мамнуъ кард. Илова бар ин, ҳизб ба феҳристи ташкилоти террористии Сохтори минтақавии зиддитеррористии СҲШ шомил карда шудааст.
____________________
*Ташкилоти террористию экстремистии мамнуъ дар Тоҷикистон
АКС аз бойгонӣ
Дар машқгоҳи саҳроии «Фахробод» тамринҳои амалӣ доир гардиданд
Роҳбарони Бюрои миллии марказии Интерполи давлатҳои аъзои Иттиҳоди Давлатҳои Мустақил вохӯрӣ намуданд
Вохӯрии гурӯҳҳои кории топографӣ ва гурӯҳҳои корӣ оид ба масъалаҳои ҳуқуқии ҳайатҳои ҳукуматии Тоҷикистон ва Қирғизистон доир шуд
Дар Душанбе дар мавзуи нақши занон дар фаъолияти милитсияи тоҷик ҳамоиш доир гардид
Вазорати корҳои дохилии Ҷумҳурии Тоҷикистон: «Ба ҳар гуна паёмак бовар накунед!»
Вазорати корҳои дохилии Ҷумҳурии Тоҷикистон хабар медиҳад
Вазирони амнияти ҷамъиятӣ ва корҳои дохилии Ҷумҳурии Мардумии Чин ва Осиёи Марказӣ вохӯрӣ намуданд
Дар Раёсати Вазорати корҳои дохилӣ дар шаҳри Душанбе ҷашни Истиқлоли давлатиро таҷлил намуданд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон доир шуд
33-СОЛАГИИ ИСТИҚЛОЛИ ДАВЛАТӢ. Дар Вазорати корҳои дохилӣ ҳамоиши идона баргузор шуд
БА ПРЕЗИДЕНТ ВА БА ВАТАН СОДИҚОНА ХИЗМАТ МЕКУНЕМ! 29-солагии таъсиси Гвардияи миллии Тоҷикистон бо руҳияи баланди ватандӯстӣ таҷлил гардид
ИМРӮЗ-РӮЗИ ГВАРДИЯИ МИЛЛИИ ТОҶИКИСТОН. Ҳимояи истиқлолият ва тамомияти арзии Ҷумҳурии Тоҷикистон вазифаи асосии ин ниҳод аст
