Вакилони Маҷлиси намояндагон ба фаъолони ноҳияи Варзоб ҳадафҳои асосии давлату Ҳукуматро баён доштанд
ДУШАНБЕ, 19.10.2022 /АМИТ «Ховар»/. Тибқи нақшаи Маҷлиси намояндагони Маҷлиси Олии Ҷумҳурии Тоҷикистон ва бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳру навоҳии ҷумҳурӣ вохӯриву суҳбатҳои вакилон бо аҳли ҷамоат доир гардида истодаанд, иттилоъ медиҳад АМИТ «Ховар» бо истинод ба котиби матбуоти Маҷлиси намояндагон Муҳаммадато Султонов.
Дар Қасри фарҳанги ноҳияи Варзоб вакилони Маҷлиси намояндагон Хайрулло Амонулло ва Муҳаммадулло Шерализода бо фаъолони ноҳия мулоқот намуданд.
Раиси кумитаи Маҷлиси намояндагон оид ба масъалаҳои энергетика, саноат, сохтмон ва коммуникатсия Хайрулло Амонулло иброз дошт, ки муҳимтарин дастоварди Иҷлосияи тақдирсоз роҳбари давлат интихоб намудани Пешвои миллат муҳтарам Эмомалӣ Раҳмон буд.
«Шахсияте, ки бо қабули масъулияти олии созандагӣ манфиати умумимиллиро аз ҳама манфиатҳои дигар боло гузоштанд ва корҳое, ки тайи солҳои сипаригардида анҷом доданд, сабаб шуданд, ки халқ ва неруҳои ақлонии мамлакат ба нақшаву барномаҳояшон бо диди умед бингаранд ва бо боварӣ пайрави роҳашон бошанд»,- зикр кард ӯ.
Узви кумитаи Маҷлиси намояндагони Маҷлиси Олии Ҷумҳурии Тоҷикистон оид ба корҳои байналмилалӣ, иттиҳодияҳои ҷамъиятӣ ва иттилоот Муҳаммадулло Шерализода иброз дошт, ки «бо ифтихору шукргузорӣ аз соҳибдавлатӣ ва соҳибистиқлолии кишвари азизамон мо имрӯз дар остонаи таҷлили санаи бузурги миллӣ- 30- солагии Иҷлосияи таърихии XVI Шӯрои Олӣ, ки дастоварди муқаддастарини халқи Тоҷикистон мебошад, қарор дорем. Сиёсати хирадмандонаи Пешвои миллат муҳтарам Эмомалӣ Раҳмон набзи ҷомеаро бедор намуда, мардумро ба ояндаи дурахшон бовар кунонид».
Зикр шуд, ки дар сатҳи баланд анҷом додани маъракаи даъвати ҷавонон ба хизмати ҳарбӣ, пешгирии гаравиши ҷавонон ба ҳизбу ҳаракатҳои ифротгаро, вусъат додани корҳои ободониву бунёдкорӣ, самаранок истифода бурдани қитъаҳои замин, кишти зироати кишоварзӣ ва дар ҳар оила захира намудани маводи ғизоӣ барои на камтар аз ду сол аз ҷумлаи ҳадафҳои асосӣ мебошанд.
Акс: МН МО ҶТ
Вакилони тоҷик дар конфронси байналмилалӣ оид ҳамкории байнипарламентии кишварҳои ИДМ иштирок намуданд
Ориф Амирзода муовини раиси Шурои коршиносон оид ба экология ва истифодаи табиат дар назди Ассамблеяи байнипарламентии ИДМ интихоб шуд
Дар иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон ба якчанд қонун тағйиру илова ворид карда шуд
Файзалӣ Идизода бо Раиси Маҷлиси Бузурги Миллии Ҷумҳурии Туркия Нумон Куртулмуш мулоқот намуд
Раиси Маҷлиси миллии Маҷлиси Олӣ Рустами Эмомалӣ бо Раиси Маҷлиси Бузурги Миллии Туркия Нуман Куртулмуш дар ҳузури ҳайатҳои парламентҳо мулоқот анҷом доданд
Раиси Маҷлиси миллии Маҷлиси Олии Тоҷикистон Рустами Эмомалӣ бо Раиси Маҷлиси Бузурги Миллии Туркия Нуман Куртулмуш мулоқот намуданд
Раиси Маҷлиси Бузурги Миллии Туркия дар пояи муҷассамаи Исмоили Сомонӣ гулчанбар гузошт
Раиси Маҷлиси бузурги миллии Туркия Нуман Куртулмуш бо сафари расмӣ ба Тоҷикистон ташриф овард
Иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
15 декабр ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мегардад
Ҷаласаи якуми Комиссия байни Маҷлиси миллии Маҷлиси Олии Тоҷикистон ва Маҷлиси умумичинии намояндагони халқии Чин доир гардид
Робитаҳои байнипарламентӣ ва ҳамкории гуногунсамта байни Тоҷикистон ва Чин баррасӣ гардид
