Ҳайати Тоҷикистон дар ҷаласаи 26-уми Ассамблеяи генералии Ассотсиатсияи кумитаҳои миллии олимпӣ дар Кореяи Ҷанубӣ иштирок дорад

Октябрь 19, 2022 09:41

ДУШАНБЕ, 19.10.2022 /АМИТ «Ховар»/. Дар шаҳри Сеули Кореяи Ҷанубӣ ҷаласаи 26-уми Ассамблеяи генералии Ассотсиатсияи кумитаҳои миллии олимпӣ (ANOC) оғоз шуд, ки дар он Кумитаи миллии олимпии Тоҷикистонро ноиби Президент Абдулло Раҳмонзода ва котиби генералӣ Муҳаммадшо Абдуллозода намояндагӣ доранд. Дар ин бора ба АМИТ «Ховар» дар Кумитаи миллии олимпии Тоҷикистон хабар доданд.

Дар ҷаласа намояндагон аз 204 кумитаи миллии олимпӣ ширкат доранд.

Иҷрокунандаи президенти ANOC Робин Митчел дар суханронии ифтитоҳӣ, аз ҷумла гуфт, ки «мо бояд дар хотир дорем, ки варзиш қудрати беҳамто дорад: одамонро ба ҳам мепайвандад, монеаҳоро дур мекунад, таҳаммулпазирӣ ва ҳамдигарфаҳмиро тарғиб мекунад. Мо борҳо дидаем, ки чӣ гуна варзиш метавонад ба дигаргуниҳои иҷтимоӣ мусоидат кунад ва ҳамаи моро ташвиқ кунад, ки беҳтарин бошем. Мо дидем, ки ҷаҳони варзиш дар арзишҳои муштараки худ муттаҳид мешавад ва тавре ки президенти Кумитаи байналмилалии олимпӣ Томас Бах гуфтааст, варзиш ба сулҳ имкон медиҳад”.Давоми ду рӯз иштирокчиён ҳамчунин гузоришҳои котиби генералии ANOC, Комиссияи ҳуқуқи ANOC, Комиссияи молия ва аудити ANOC, Комиссияи мусобиқаҳои ANOC, Бозиҳои соҳилии ҷаҳон-2023, Агентии ҷаҳонии зидди допинг (WADA), Агентии байналмилалии ташхисӣ (ITA), Суди арбитражи байналмилалӣ, гузориши ниҳоии Кумитаи тадорукоти Бозиҳои зимистонаи олимпии Пекин-2022, гузоришҳои Кумитаи тадорукоти Бозиҳои зимистонаи олимпии наврасон – Гангвон-2024, Кумитаи тадорукоти Бозиҳои зимистонаи олимпии Милан/Кортина-2026, Кумитаи тадорукоти Бозиҳои олимпии Париж-2024-ро хоҳанд шунид.

Дар ҷаласа Нақшаи стратегии ANOC барои солҳои 2021-2024 тасдиқ шуда, президент ва ноиби аввали президенти ANOC барои давраи нав интихоб мегарданд.

Рӯзи сеюм дар сессияҳо масъалаҳои муҳими соҳаи варзиш ва ҳаракати олимпӣ баррасӣ мешаванд.

АКС: КМО Тоҷикистон

Октябрь 19, 2022 09:41

Хабарҳои дигари ин бахш

ЧЕМПИОНАТИ ҶАҲОН ОИД БА БОКС. Варзишгари тоҷик Фариноз Абдуллоева барандаи медали нуқра гардид
ЛИГАИ ЧЕМПИОНҲОИ ОСИЁ. Имрӯз дар шаҳри Душанбе бозии дастаҳои футболи «Истиқлол» ва «Ал-Наср» доир мешавад
ЛИГАИ ЧЕМПИОНҲОИ ОСИЁ. 4 декабр дар Варзишгоҳи марказии шаҳри Душанбе нишасти хабарии пеш аз бозии дастаҳои «Истиқлол» ва «Ал-Наср» доир мешавад
ЛИГАИ ЧЕМПИОНҲОИ ОСИЁ. Пагоҳ дар Душанбе бозии даври шашуми марҳилаи гурӯҳӣ байни дастаҳои «Истиқлол» ва «Ал-Наср» баргузор мешавад
5 декабр дар се минтақаи шаҳри Душанбе фан-зона барои тамошои бозии «Истиқлол» ва «Ал-Наср» ташкил мешавад
Паҳлавонони тоҷик аз Чемпионати ҷаҳон оид ба кураш бо 4 медали биринҷӣ ба Ватан баргаштанд
ЧЕМПИОНАТИ ТОҶИКИСТОН -2023. Дастаи футболи «Истиқлол»-и шаҳри Душанбе пеш аз муҳлат ғолиб гардид
Дар шаҳри Хуҷанд Мусобиқаи байналмилалӣ оид ба шиноварӣ баргузор гардид
Ҳарифони паҳлавонони шинохтаи тоҷик дар мусобиқаи Tokyo Grand Slam-2023 оид ба ҷудо муайян шуданд
Дастаи мунтахаби футболи Тоҷикистон дар раддабандии ФИФА се зина боло рафт
ҶОМИ КФО-2023/24. «Равшан» боз бо «Марв»-и Туркманистон мусовӣ намуд
ЛИГАИ ЧЕМПИОНҲОИ ОСИЁ. То имрӯз беш аз 10 000 чиптаи бозии дастаҳои футболи «Истиқлол» ва «Ал-Наср» фурӯхта шудааст